അനുബന്ധ വാര്ത്തകള്
- നാളെ കൊവിഷീല്ഡ് വാക്സിന് സംസ്ഥാനത്തെ മൂന്ന് ജില്ലകളിലെ റീജിയണല് വാക്സിന് സ്റ്റോറുകളിലെത്തും
- സംസ്ഥാനത്ത് കുട്ടികളുടെ അശ്ലീല ചിത്രങ്ങള് പ്രചരിപ്പിക്കുന്ന അഞ്ഞൂറിലധികം പേര് നിരീക്ഷണത്തില്
- പിഎസ്സി വഴി ഒന്നര ലക്ഷത്തിലേറെ നിയമനം നല്കി: മുഖ്യമന്ത്രി
- കൊവിഡ് വാക്സിൻ നാളെ കേരളത്തിലെത്തും, ആദ്യഘട്ടത്തിൽ 4,35,500 വയൽ വാക്സിൻ
- ദേശീയ ഊര്ജ സംരക്ഷണ അവാര്ഡ് തുടര്ച്ചയായ അഞ്ചാം തവണയും കേരളത്തിന്
നാളെ തിരുവനന്തപുരത്തെത്തുന്നത് 1.34 ലക്ഷം ഡോസ് വാക്സിനുകള്
തിരുവനന്തപുരം: കോവിഡ് വാക്സിനേഷനുള്ള 4,33,500 ഡോസ് വാക്സിനുകള് ആദ്യഘട്ടമായി സംസ്ഥാനത്തെത്തിക്കുമെന്ന് കേന്ദ്രം ഔദ്യോഗികമായി അറിയിച്ചതായി ആരോഗ്യ വകുപ്പ് മന്ത്രി കെ.കെ. ശൈലജ ടീച്ചര് അറിയിച്ചു. സിറം ഇന്സ്റ്റിറ്റ്യൂട്ട് ഓഫ് ഇന്ത്യയില് നിന്നുള്ള കൊവിഷീല്ഡ് വാക്സിനുകളാണെത്തുന്നത്. തിരുവനന്തപുരം, എറണാകുളം, കോഴിക്കോട് എന്നിവിടങ്ങളിലെ റീജിയണല് വാക്സിന് സ്റ്റോറുകളിലാണ് വാക്സിന് എത്തിക്കുക. തിരുവനന്തപുരത്ത് 1,34,000 ഡോസും എറണാകുളത്ത് 1,80,000 ഡോസും കോഴിക്കോട്ട് 1,19,500 ഡോസും വാക്സിനുകളാണ് എത്തിക്കുന്നത്. കോഴിക്കോട് വരുന്ന വാക്സിനില് നിന്നും 1,100 ഡോസ് വാക്സിനുകള് മാഹിയില് വിതരണം ചെയ്യുന്നതാണ്. വാക്സിന് എത്തിയാല് നിശ്ചയിക്കപ്പെട്ട കേന്ദ്രങ്ങളില് എത്തിക്കുന്നതിന് പ്രത്യേക സംവിധാനങ്ങളേര്പ്പെടുത്തിയിട്ടുണ്ടെന്നും മന്ത്രി വ്യക്തമാക്കി.
സംസ്ഥാനത്ത് ആദ്യഘട്ടമായി 133 കേന്ദ്രങ്ങളിലാണ് ശനിയാഴ്ച വാക്സിനേഷന് നടക്കുന്നത്. എല്ലാ കേന്ദ്രങ്ങളിലും കോവിഡ് വാക്സിനേഷനായി വിപുലമായ സംവിധാനങ്ങളാണ് ഏര്പ്പെടുത്തി വരുന്നത്. കോവിഡ് വാക്സിനേഷനായി ഇതുവരെ 3,62,870 പേരാണ് രജിസ്റ്റര് ചെയ്തത്. സര്ക്കാര് മേഖലയിലെ 1,70,259 പേരും സ്വകാര്യ മേഖലയിലെ 1,92,611 പേരുമാണ് രജിസ്റ്റര് ചെയ്തിട്ടുള്ളത്
