കെ ആര്‍ അനൂപ്|
Last Modified വ്യാഴം, 28 ഏപ്രില്‍ 2022 (08:46 IST)
ഓപ്പറേഷന്‍ ജാവയ്ക്ക് ശേഷം തരുണ്‍ മൂര്‍ത്തി അടുത്തതായി സംവിധാനം ചെയ്യുന്ന ചിത്രമാണ് സൗദി വെള്ളക്ക. തരുണ്‍ തന്നെയാണ് ചിത്രത്തിന്റെ രചനയും നിര്‍വഹിക്കുന്നത്. ഓപ്പറേഷന്‍ ജാവ പോലെ റിയലിസ്റ്റിക്ക് രീതിയില്‍ തന്നെയാകും ഈ ചിത്രവും ഒരുങ്ങുന്നത്. സിനിമയുടെ ടീസര്‍ ഇന്ന് വൈകുന്നേരം അഞ്ചുമണിക്ക് പുറത്തുവരും.
ലുക്മാന്‍ അവറാന്‍, ബിനു പപ്പു, ഗോകുലന്‍, സുജിത്ത് ശങ്കര്‍, സിദ്ധാര്‍ത്ഥ് ശിവ, ധന്യ അനന്യ, വിന്‍സി അലോഷ്യസ്, ദേവകി രാജേന്ദ്രന്‍, രമ്യ സുരേഷ് തുടങ്ങി അന്‍പതില്‍ പരം പുതുമുഖ താരങ്ങളും ചിത്രത്തിലുണ്ടെന്ന് നിര്‍മാതാക്കള്‍ അറിയിച്ചു.
തൊണ്ടി മുതലും ദൃക്സാക്ഷിയും, സത്യം പറഞ്ഞാല്‍ വിശ്വസിക്കുമോ എന്നീ ചിത്രങ്ങളുടെ വിജയത്തിന് ശേഷം ഉര്‍വശി തിയേറ്റേഴ്സാണ് ചിത്രം നിര്‍മ്മിക്കുന്നത്.
