കെ ആര്‍ അനൂപ്|
Last Modified ബുധന്‍, 28 ജൂലൈ 2021 (10:36 IST)
ഇന്ന് ജൂലൈ 28, ദുല്‍ഖറിന്റെ പിറന്നാള്‍. സിനിമാ ലോകത്തുള്ള ഓരോരുത്തരും അദ്ദേഹത്തിന് രാവിലെ മുതലേ ആശംസകള്‍ അറിയിച്ചു. എല്ലാവര്‍ക്കും പറയാനുള്ള ആശംസകള്‍ക്കപ്പുറം നടന്‍ നിര്‍മ്മല്‍ പാലാഴിയ്ക്ക് പറയാനുള്ളത് ദുല്‍ഖര്‍ എന്ന മനുഷ്യനെ കുറിച്ചാണ്.
നിര്‍മ്മല്‍ പാലാഴിയുടെ വാക്കുകളിലേക്ക്
'സലാല മൊബൈല്‍സ്'എന്ന സിനിമയില്‍ ഒരു ചെറിയ സീനില്‍ അഭിനയിച്ചിട്ടുള്ള പരിചയമേ ഉള്ളു. പിന്നെ എപ്പോഴെങ്കിലും കണ്ടാല്‍ ഞാന്‍ അന്ന് കൂടെ അഭിനയിച്ചിരുന്ന ആള്‍ എന്ന് പറഞ്ഞു പരിചയപ്പെടുത്തേണ്ടിവരും എന്നൊക്കെ കരുതി ഒരു ഫോട്ടോ എടുത്ത് പിരിഞ്ഞതായിരുന്നു. പക്ഷെ 2014ല്‍ ആക്‌സിഡന്റ് പറ്റിയപ്പോ പ്രതീക്ഷിക്കാത്ത ഒരു തുക അക്കൗണ്ടില്‍ dq വകയായി എത്തിയിരുന്നു. എഴുന്നേറ്റ് ശരിയാവും വരെ എന്റെ ആരോഗ്യ സ്ഥിതി അലക്‌സ് ഏട്ടന്‍ വഴിയും നേരിട്ട് വിളിച്ചും അന്വേഷിച്ചു കൊണ്ടിരുന്നു.നന്ദിയും സ്‌നേഹവും കടപ്പാടും മാത്രം.ജീവിതത്തില്‍ എല്ലാവിധ ഐശ്വര്യങ്ങളും ഉണ്ടാവട്ടെ എന്ന് പ്രാര്‍ത്ഥിക്കുന്നു. ഹാപ്പി ബര്‍ത്ത് ഡേ ദുല്‍ഖര്‍ സല്‍മാന്‍.'-നിര്‍മ്മല്‍ പാലാഴി കുറിച്ചു.
ജയസൂര്യ ചിത്രം ഫുക്രിയിലൂടെ ശ്രദ്ധിക്കപ്പെട്ട നടനാണ് ആണ് നിര്‍മല്‍ പാലാഴി. അപകടത്തിനു ശേഷം അദ്ദേഹം സിനിമയില്‍ സജീവമാകുകയാണ്.
