രേണുക വേണു|
Last Modified ബുധന്‍, 5 ജനുവരി 2022 (13:45 IST)
മമ്മൂട്ടിയുടെ ആദ്യ ഒ.ടി.ടി. റിലീസ് ആയി 'പുഴു' എത്തും. ജനുവരിയില്‍ തന്നെ പുഴു റിലീസ് ചെയ്യുമെന്നാണ് റിപ്പോര്‍ട്ടുകള്‍. കോവിഡ് വ്യാപനം വീണ്ടും രൂക്ഷമായ സാഹചര്യത്തില്‍ ഒ.ടി.ടി. റിലീസ് ആണ് കൂടുതല്‍ നല്ലതെന്നാണ് അണിയറപ്രവര്‍ത്തകരുടെ വിലയിരുത്തല്‍. നവാഗതയായ രതീന പി.ടിയാണ് പുഴു സംവിധാനം ചെയ്തിരിക്കുന്നത്. എസ്.ജോര്‍ജ് നിര്‍മിച്ചിരിക്കുന്ന ചിത്രം ദുല്‍ഖര്‍ സല്‍മാന്റെ കമ്പനിയായ വേഫറര്‍ ഫിലിംസ് ആണ് വിതരണം ചെയ്യുന്നത്. പ്രമുഖ ഒ.ടി.ടി. പ്ലാറ്റ്‌ഫോമുമായി അണിയറപ്രവര്‍ത്തകര്‍ ചര്‍ച്ച നടത്തിയെന്നാണ് വിവരം. ഫെബ്രുവരിയില്‍ റിലീസ് ചെയ്യുന്ന ഭീഷ്മപര്‍വ്വത്തിനു മുന്‍പ് പുഴു പ്രേക്ഷകരിലേക്ക് എത്തിക്കാനാണ് ആലോചന നടക്കുന്നത്. അങ്ങനെയെങ്കില്‍ മമ്മൂട്ടിയുടെ ആദ്യ ഒ.ടി.ടി. ചിത്രമായിരിക്കും പുഴു.
