അനുബന്ധ വാര്ത്തകള്
- ജയസൂര്യക്കെതിരെ ലൈംഗിക ആരോപണം ഉന്നയിച്ച ശേഷം ഭീഷണിപ്പെടുത്തി പലരും വിളിക്കുന്നുണ്ടെന്ന് പരാതിക്കാരി
- ജയസൂര്യക്കെതിരായ പീഡന പരാതി: കൂത്താട്ടുകുളം മീറ്റ് പ്രോഡക്റ്റ് ഓഫ് ഇന്ത്യ ഫാക്ടറിയില് പോലീസ് പരിശോധന നടത്തി
- ഇത് മുസ്ലീങ്ങള്ക്കെതിരെ സംഘപരിവാര് നടത്തുന്ന ആക്രമണം; മലയാള സിനിമയില് ലഹരി ഉപയോഗമില്ലെന്ന് ആഷിഖ് അബു
- വിവാഹ ജീവിതത്തില് തനിക്ക് വിശ്വാസമില്ലെന്ന് കമല്ഹാസന്
- ഇന്ത്യയില് ഏറ്റവും കൂടുതല് ടാക്സ് അടയ്ക്കുന്ന താരങ്ങളില് രണ്ടാം സ്ഥാനത്ത് ഇളയദളപതി വിജയ്, മലയാളത്തില് മോഹന്ലാല്
Mammootty Birthday: മലയാളത്തിന്റെ മമ്മൂട്ടിക്ക് നാളെ 73-ാം പിറന്നാള്
മലയാള സിനിമ കേരളമെന്ന ഇട്ടാവട്ടത്തിനു അപ്പുറം ചര്ച്ചയാകുന്നത് മമ്മൂട്ടി ചിത്രങ്ങളിലൂടെയാണ്
Mammootty Birthday: മലയാളത്തിന്റെ മഹാനടന് മമ്മൂട്ടിക്ക് നാളെ ജന്മദിനം. 1951 സെപ്റ്റംബര് ഏഴിന് ജനിച്ച മമ്മൂട്ടി തന്റെ 73-ാം ജന്മദിനമാണ് നാളെ ആഘോഷിക്കുന്നത്. പ്രായം 70 കഴിഞ്ഞിട്ടും സിനിമയില് ദിനംപ്രതി അപ്ഡേറ്റ് ചെയ്യപ്പെട്ടു നില്ക്കുന്ന അപൂര്വ്വം ചില നടന്മാരില് ഒരാളാണ് മമ്മൂട്ടി. കഴിഞ്ഞ അരനൂറ്റാണ്ടിലേറെയായി മലയാള സിനിമയുടെ സ്പന്ദനങ്ങള് മമ്മൂട്ടിയിലൂടെയാണ് മലയാളി അറിയുന്നത്. അഭിനയത്തോടു അടങ്ങാത്ത അഭിനിവേശമായിരുന്നു അന്നും ഇന്നും മമ്മൂട്ടിക്ക്.
മലയാള സിനിമ കേരളമെന്ന ഇട്ടാവട്ടത്തിനു അപ്പുറം ചര്ച്ചയാകുന്നത് മമ്മൂട്ടി ചിത്രങ്ങളിലൂടെയാണ്. നിറക്കൂട്ടും ന്യൂഡല്ഹിയും മലയാള സിനിമയുടെ യശസ് ഉയര്ത്തുന്നവയായിരുന്നു. മമ്മൂട്ടിയുടെ താരമൂല്യം തന്നെയാണ് കേരളത്തിനു പുറത്തും വിറ്റഴിക്കപ്പെട്ടത്. മമ്മൂട്ടിയെന്നാല് മലയാളിക്ക് 'മാസ്' ഹീറോയായി. പിന്നീടങ്ങോട്ട് ആ പൗരുഷം ആഘോഷിക്കപ്പെട്ട എത്രയെത്ര സിനിമകള്.
പി.ഐ.മുഹമ്മദ് കുട്ടിയെന്നാണ് മമ്മൂട്ടിയുടെ യഥാര്ഥ പേര്. മുഹമ്മദ് കുട്ടിയെന്ന പൊടിമീശക്കാരന് 1971 ഓഗസ്റ്റ് ആറിന് റിലീസ് ചെയ്ത 'അനുഭവങ്ങള് പാളിച്ചകള്' എന്ന സിനിമയില് മുഖം കാണിച്ചു. മഹാരാജാസ് കോളേജിലെ വിദ്യാര്ഥിയായിരുന്നു അന്ന് മുഹമ്മദ് കുട്ടി. അനുഭവങ്ങള് പാളിച്ചകള് എന്ന ചിത്രത്തില് ചെറിയൊരു വേഷമാണ് മമ്മൂട്ടിക്ക് ലഭിച്ചത്. രണ്ട് ചെറിയ ഷോട്ടുകളില് മാത്രമാണ് മമ്മൂട്ടി അഭിനയിച്ചത്. അന്നത്തെ സൂപ്പര്താരം സത്യന് ആയിരുന്നു അനുഭവങ്ങള് പാളിച്ചകളിലെ നടന്. സത്യന്റെ അവസാന സിനിമ കൂടിയായിരുന്നു അത്. സത്യന്റെ അവസാന ചിത്രം മമ്മൂട്ടിയുടെ വെള്ളിത്തിരയിലേക്കുള്ള അരങ്ങേറ്റമായത് കാലത്തിന്റെ കാവ്യനീതി.
കെ.എസ്.സേതുമാധവനാണ് അനുഭവങ്ങള് പാളിച്ചകള് സംവിധാനം ചെയ്തത്. ഷീലയായിരുന്നു സത്യന്റെ നടി. സിനിമയില് ആള്ക്കൂട്ടത്തില് ഒരാളായാണ് മമ്മൂട്ടി പ്രത്യക്ഷപ്പെടുന്നത്. എന്നാല്, ഈ സിനിമയ്ക്ക് ശേഷം പിന്നെയും ഒന്പത് വര്ഷങ്ങള് കഴിഞ്ഞാണ് മമ്മൂട്ടി മലയാളത്തില് നടനായി അരങ്ങേറുന്നത്. കൃത്യമായി പറഞ്ഞതാല് 1980 ല് റിലീസ് ചെയ്ത 'വില്ക്കാനുണ്ട് സ്വപ്നങ്ങള്' എന്ന സിനിമയിലൂടെ. തന്റെ ആത്മകഥയായ 'ചമയങ്ങളില്ലാതെ' എന്ന പുസ്തകത്തില് അനുഭവങ്ങള് പാളിച്ചകളാണ് തന്റെ വെള്ളിത്തിരയിലേക്കുള്ള അരങ്ങേറ്റം സാധ്യമാക്കിയതെന്ന് മമ്മൂട്ടി കുറിച്ചിട്ടുണ്ട്.
