അനുബന്ധ വാര്ത്തകള്
- ചെന്ന് പെട്ടത് ഒരു സിംഹത്തിന്റെ മടയില്, സിബിഐ വേഷത്തില് മമ്മൂട്ടി,ആ വിഷമം ഉള്ളിലുണ്ടെന്ന് സംവിധായകന് അഖില് മാരാര്
- 'പുഷ്പ' സോങ്ങ് ശരിയാകുമോ എന്ന് സാമന്തയ്ക്ക് ആദ്യം സംശയം,എന്നെ വിശ്വസിച്ച് ചെയ്യൂവെന്ന് അല്ലുഅര്ജുന്, വീഡിയോ
- 'മിന്നല് മുരളി' രണ്ടാം ഭാഗത്തിലും വില്ലനായി ഷിബു ? പ്രതീക്ഷകള് പങ്കുവെച്ച് ഗുരു സോമസുന്ദരം
- ബേസില് ജോസഫ്, അജു വര്ഗീസിന്റെ മലയാള സിനിമയ്ക്കുള്ള മികച്ച സംഭാവനകളില് ഒന്ന്, ഒരു സംവിധായകന്റെ കുറിപ്പ്
- അമ്മയ്ക്കൊപ്പം എത്തി ആദ്യമായി അഭിനയിച്ച സിനിമയിലെ ഡബ്ബിങ് പൂര്ത്തിയാക്കി കണ്മണി, സ്ക്രീനില് കുട്ടിക്കുറുമ്പുമായി കിയാരയെ കാണാം
സംഗീത സംവിധായകന് കൈതപ്രം വിശ്വനാഥന് ഓര്മയായി
പ്രശസ്ത സംഗീത സംവിധായകന് കൈതപ്രം വിശ്വനാഥന് അന്തരിച്ചു. 58 വയസ്സായിരുന്നു. അര്ബുദബാധയെ തുടര്ന്ന് കോഴിക്കോട് എം.വി.ആര്.കാന്സര് സെന്ററില് ചികിത്സയില് കഴിയവെ ഇന്ന് ഉച്ചയോടെയാണ് അന്ത്യം. കൈതപ്രം ദാമോദരന് നമ്പൂതിരിയുടെ സഹോദരനാണ്.
ജ്യേഷ്ഠനായ കൈതപ്രം ഗാനരചനയും സംഗീതവും നിര്വഹിച്ച ദേശാടനം എന്ന ചലച്ചിത്രത്തില് സഹായിയായിട്ടായിരുന്നു ചലച്ചിത്ര രംഗത്തേക്കുള്ള വരവ്. ജയരാജ് സംവിധാനം ചെയ്ത കണ്ണകി എന്ന ചലച്ചിത്രത്തിലൂടെ സ്വതന്ത്ര സംഗീതസംവിധായകനായി.
കരിനീലക്കണ്ണഴകീ, കയ്യെത്തും ദൂരെ ഒരു കുട്ടിക്കാലം, നീയൊരു പുഴയായ്, എനിക്കൊരു പെണ്ണുണ്ട്, സാറേ സാറേ സാമ്പാറേ, ആടെടീ ആടാടെടീ ആലിലക്കിളിയേ തുടങ്ങിയ ഗാനങ്ങള് ശ്രദ്ധേയമായവയാണ്.
കണ്ണകി, തിളക്കം, ദൈവനാമത്തില്, ഉള്ളം, ഏകാന്തം, മധ്യവേനല്, നീലാംബരി, ഓര്മ്മ മാത്രം എന്നീ ചിത്രങ്ങളിലാണ് സംഗീത സംവിധാനം നിര്വഹിച്ചത്. കണ്ണകി എന്ന ചിത്രത്തിലെ പശ്ചാത്തല സംഗീതത്തിന് സംസ്ഥാന പുരസ്കാരം ലഭിച്ചിരുന്നു.
