അനുബന്ധ വാര്ത്തകള്
- പ്രണയമെന്നാൽ നഷ്ടപ്പെടൽ കൂടിയാണ്; മലയാള സിനിമയിൽ ഒന്നിക്കാൻ കഴിയാതെ പോയവർ
- ഒരിക്കലും തിരിച്ച് കിട്ടാത്ത 12 വർഷം, ആകെ ലഭിച്ചത് റിമിയുടെ മുന്ഭര്ത്താവ് എന്ന അനാവശ്യ വിലാസം: റോയ്സ്
- ഇപ്പോൾ മമ്മൂട്ടിക്കും മോഹൻലാലിനും ടീനേജ് പടം ചെയ്യാനാകില്ല: ഫാസിൽ
- ഇഷ്ടമില്ലെങ്കിൽ കാണണ്ട, സിനിമ എടുക്കരുതെന്ന് പറയാൻ നിങ്ങളാര്?; പാര്വതിയടക്കമുള്ളവര്ക്ക് ചുട്ടമറുപടിയുമായി വിദ്യാ ബാലന്
- ലാലങ്കിളിനെപ്പോലെ തന്നെയാണ് അപ്പുചേട്ടനും: അനുഭവം തുറന്നുപറഞ്ഞ് കല്യാണി !
ആർത്തിയും കൊതിയുമുള്ള നടനാണ് മമ്മൂട്ടി: സംവിധായകന്റെ വാക്കുകൾ വൈറലാകുന്നു
മലയാള സിനിമയിൽ പ്രഗൽഭരായ ഒട്ടനവധി സംവിധായകരെ പരിചയപ്പെടുത്തിയ നടനാണ് മെഗാസ്റ്റാർ മമ്മൂട്ടി. പുതുമുഖങ്ങൾക്കെല്ലാം അവസരം നൽകുന്ന കാര്യത്തിൽ യാതോരു സങ്കോചവും കാണിക്കാത്ത ആളാണ് മമ്മൂട്ടി. മമ്മൂട്ടി കൈപിടിച്ചുയർത്തിയ സംവിധായകരിൽ ഒരാളാണ് അൻവർ റഷീദ്.
മലയാള സിനിമയ്ക്ക് ഒഴിച്ച് കൂടാനാകാത്ത അവിഭാജ്യഘടകമാണ് അൻവർ റഷീദ്. രാജമാണിക്യം എന്ന ബ്ലോക്ക് ബസ്റ്റർ ചിത്രത്തിലൂടെ അരങ്ങേറ്റം കുറിച്ച അൻവർ റഷീദ് മമ്മൂട്ടി ഇരട്ട വേഷങ്ങളിൽ പ്രത്യക്ഷപ്പെട്ട അണ്ണൻ തമ്പി എന്ന ചിത്രവും ഒരുക്കി. ഇപ്പോഴിതാ, മമ്മൂട്ടിയുടെ അഭിനയത്തോടുള്ള ആസക്തിയെ കുറിച്ച് വാചാലനാവുകയാണ് സംവിധായകൻ.
പുതിയ ആളുകൾ രംഗത്ത് വരണം എന്ന ആഗ്രഹം എപ്പോഴുമുള്ള നടനാണ് മമ്മൂക്ക എന്നും തനിക്ക് ആദ്യ ചിത്രമൊരുക്കാൻ സാധിച്ചത് അദ്ദേഹത്തിന്റെ മനോഭാവം കൊണ്ടാണെന്നും അൻവർ റഷീദ്. ‘മമ്മൂട്ടി, കാഴ്ചയും വായനയും’ എന്ന ഡി.സി ബുക്സ് പ്രസദ്ധീകരിച്ച പുസ്തകത്തിലാണ് അൻവർ രഷീദ് മമ്മൂട്ടിയെ കുറിച്ച് എഴുതിയത്. അൻവറിന്റെ വാക്കുകൾ ഇങ്ങനെ:
‘അഭിനയിക്കാൻ ഇത്രത്തോളം കൊതിയും ആർത്തിയുമുള്ളൊരു നടനെ സിനിമയിൽ വേറെ കാണാനാകില്ല. ചെറുപ്പക്കാരേക്കാൾ എക്സൈറ്റ്മെന്റാണ് അദ്ദേഹത്തിന്. മമ്മൂക്ക ഇന്നും മലയാള സിനിമയിലെ സജീവ സാന്നിധ്യമായി നില നിൽക്കുന്നതിന്റെ കാരണവും അത് തന്നെ. എത്രയോ വലിയ നടന്മാർ അവരുടെ പ്രായത്തിന്റെ ഒരവസ്ഥ കഴിഞ്ഞാൽ സിനിമയിൽ നിന്ന് മാറുന്നതും, മാറിയില്ലെങ്കിൽ തന്നെ അവതരിപ്പിക്കുന്ന കഥാപാത്രങ്ങളുടെ സ്വഭാവം മാറുന്നതും നാം കാണുന്നു.‘
‘രാജമാണിക്യം , തുറുപ്പുഗുലാൻ പോലെ ഉള്ള സിനിമകളിലെ കഥാപാത്രങ്ങൾ ഒരു നടൻ സാധാരണ അയാളുടെ അഭിനയ ജീവിതത്തിന്റെ ആദ്യ ഘട്ടങ്ങളിലായിരിക്കും ചെയ്യാൻ സാധ്യത. അതിനു ശേഷമായിരിക്കും ഗൗരവ സ്വഭാവമുള്ള കഥാപാത്രങ്ങളിലേക്ക് എത്തുക. പക്ഷേ മമ്മൂക്കയിൽ നാം കാണുന്നത് നേരെ വിപരീതമായിട്ടുള്ള ഒരു മാറ്റമാണ്. അഭിനയിക്കുന്നിടത്തോളം കാലം മമ്മൂക്ക ഒരു താരമായിത്തന്നെയായിരിക്കും നിലനിൽക്കുക. മറ്റു പലരും നടൻ എന്ന നിലയിൽ നില നിന്നേക്കും. എന്നാൽ മമ്മൂക്ക നടനും താരവുമായി തന്നെ തുടരും. അഭിനയ മികവും സൗന്ദര്യവും കൊണ്ട് മാത്രം ഒരാൾക്ക് ഇത് പറ്റുമെന്ന് എനിക്ക് തോന്നുന്നില്ല. ധാരാളം കാര്യങ്ങൾ ഇതിന് ബാധകമാണ്‘.
