അനുബന്ധ വാര്ത്തകള്
- റോഷൻ മാത്യു നായകനായ അനുരാഗ് കശ്യപ് ചിത്രം ചോക്ഡ്: ട്രെയിലർ പുറത്ത്
- കൊറോണ പ്രതിരോധം: മോഹന്ലാലിന്റെ വിശ്വശാന്തി ഫൗണ്ടേഷന് ധാരാവിയിലും അന്ധേരിയിലും പിപിഇ കിറ്റുകള് വിതരണം ചെയ്തു
- പ്രിയദര്ശന് വിളിച്ചുപറഞ്ഞു, മോഹന്ലാല് സത്യന് അന്തിക്കാടിനെപ്പോലെ സംസാരിക്കുന്നു!
- മോഹൻലാൽ തികഞ്ഞ രാജ്യസ്നേഹി, നരേന്ദ്രമോദിയേയും മോഹൻലാലിനെയും അടുപ്പിച്ചത് ജീവിതത്തിലെ സുതാര്യത: ആശംസകളുമായി വി മുരളീധരൻ
- ഫ്രണ്ട്ലിയായി നിന്നാൽ അവരത് പ്രേമമായി കരുതും, നമ്മൾ പിന്നെ തേപ്പുകാരിയാകും: മനസ്സ് തുറന്ന് അനുപമ
'എന്റെ ലാലിന്’ ജന്മദിനാശംസകൾ: മമ്മൂട്ടി
എല്ലാ സിനിമകളിലും പേരെടുത്തു പറയാൻ കുറച്ചു നടീനടൻമാർ ഉണ്ടാവും.അതേപോലെ മലയാള സിനിമയിൽ ആദ്യം പറയുന്ന പേരുകളാണ് മോഹൻലാലും മമ്മൂട്ടിയും. മോഹൻലാലിന് ജന്മദിനാശംസകൾ നേർന്ന് മമ്മൂട്ടി ഫേസ്ബുക്കിലൂടെ ‘എൻറെ ലാലിന്' എന്ന തലവാചകത്തോടെ വീഡിയോ പങ്കുവെച്ചിട്ടുണ്ട്.
അതിന്റെ പ്രസക്തഭാഗം ഇങ്ങനെ:
35 വർഷങ്ങൾക്കു മുമ്പിറങ്ങിയ പടയോട്ടത്തിന്റ സെറ്റിൽ വെച്ചാണ് മോഹൻലാലിനെ ആദ്യമായി കാണുന്നത്. അവിടെനിന്ന് തുടങ്ങിയതാണ് ഈ സൗഹൃദം. എന്നെ ഇച്ചാക്ക പലരും ആലങ്കാരികമായി വിളിക്കുമ്പോഴും എനിക്കത്ര സന്തോഷം തോന്നാറില്ല. ലാലു വിളിമ്പോള് ഒരു പ്രത്യേക സുഖം തോന്നാറുണ്ട്. ഒരു സഹോദരനെ പോലെ തോന്നും.
സിനിമയെ ഗൗരവത്തോടെയാണ് നമ്മൾ രണ്ടുപേരും കാണുന്നത്. പഠിക്കുന്ന വിദ്യാർത്ഥികളാണ് നമ്മൾ രണ്ടുപേരും. തൊഴിലിനെ ശ്രദ്ധ കേന്ദ്രീകരിച്ചു പഠിക്കുന്ന വിദ്യാർത്ഥികൾ. അതുകൊണ്ടാണ് പരീക്ഷകളിൽ നമുക്ക് സാമാന്യം മാർക്ക് കിട്ടിയത്. അതിനാലാണ് ജനങ്ങൾ ഇത്രയധികം സ്നേഹിക്കുകയും വാഴ്ത്തുകയും ഒക്കെ ചെയ്യുന്ന നടന്മാരായത്.
എന്നാൽ ജീവിതത്തെ കോളേജ് വിദ്യാർത്ഥികൾ പോലെയാണ് നോക്കിക്കാണുന്നത്. കോളേജ് വിദ്യാര്ത്ഥികളെപോലെ തമാശ പറഞ്ഞും കളിച്ചും ഒക്കെ നടക്കുമായിരുന്നു. നമുക്കിടയിലുള്ള ചില്ലറ പ്രശ്നങ്ങളും പരിഭവങ്ങളും നമ്മൾ നേരിൽ കാണുമ്പോൾ ഐസ് പോലെ അലിഞ്ഞു ഇല്ലാതാവുന്നത് ഒരുപാട് അനുഭവിച്ചിട്ടുണ്ട്. മോളുടെ വിവാഹം, മോന്റെ വിവാഹം, ലാല് സ്വന്തം വീട്ടിലെ വിവാഹം പോലെയാണ് നടത്തിത്തന്നത്. അപ്പു ആദ്യ സിനിമയില് അഭിനയിക്കാന് പോകുമ്പോള് എന്റെ വീട്ടില് വന്ന് എന്റെ അനുഗ്രഹം വാങ്ങി, സ്നേഹം വാങ്ങി, എന്റെ പ്രാര്ത്ഥന കൂടെ കൊണ്ടുപോയി.
സിനിമയ്ക്ക് അപ്പുറം ഉള്ള നമ്മുടെ സൗഹൃദം ഒരുപാട് വളർന്നിരിക്കുന്നു. മലയാളത്തിന്റെ ഈ അത്ഭുതകലാകാരന്, ലാലിന്, മലയാളികളുടെ ലാലേട്ടന്, മലയാള സിനിമ കണ്ട മഹാനായ നടന്, പ്രിയപ്പെട്ട മോഹന്ലാലിന് ജന്മദിന ആശംസകൾ നേരുന്നു.
