അനുബന്ധ വാര്ത്തകള്
- പ്രശസ്ത സംവിധായകനും നടനും നിർമ്മാതാവുമായ തമ്പി കണ്ണന്താനം അന്തരിച്ചു
- 'വിസ്മയം തീർത്ത മാന്ത്രിക വിരലുകൾ, ആ സംഗീതം, മരിക്കുന്നില്ല ഒരിക്കലും'
- ‘നീയില്ലാത്ത ആദ്യ ദിവസം, മിസ് യു’- വൈറലായി പേളിയുടെയും ശ്രീനിയുടെയും പോസ്റ്റ്
- ആദ്യം മുതൽ അവസാനം വരെ കരച്ചിലായിരുന്നു, അമ്മയുടെ വില മനസ്സിലായത് അപ്പോഴാണ്: പേളി മാണി
- വില്ലനായി എത്തി മലയാളികളുടെ മനം കവർന്നു, ബിഗ് ബോസ് വിജയി സാബുമോൻ!
കണ്ണടച്ച് തുറക്കുന്ന നേരം കൊണ്ട് മോഹൻലാലിനെ സൂപ്പർസ്റ്റാർ ആക്കിയ തമ്പി കണ്ണന്താനം
1986 വരെ ഒരു അനിശ്ചിതത്വമായിരുന്നു. മോഹന്ലാല് എന്ന നടന് ഏതു സ്ഥാനമാണ് നല്കുക എന്ന കാര്യത്തില്. ‘രാജാവിന്റെ മകന്’ എന്ന സിനിമ സംഭവിച്ചതോടെ അക്കാര്യത്തില് തീരുമാനമായി. മലയാളത്തിന്റെ താരരാജാവായി ആ സിനിമ മോഹന്ലാലിനെ വാഴിച്ചു. അതിന് കാരണക്കാരൻ ആയതോ? സംവിധായകൻ തമ്പി കണ്ണന്താനം.
വര്ഷങ്ങള്ക്ക് മുമ്പ് തിരക്കഥാകൃത്ത് ഡെന്നീസ് ജോസഫ് ഒരു ഇംഗ്ലീഷ് നോവല് വായിച്ചു. സിഡ്നി ഷെല്ഡന് രചിച്ച ‘റേജ് ഓഫ് എയ്ഞ്ചല്സ്’. ഇതു വായിച്ചു തീര്ത്ത ഉടനെ ഡെന്നിസ് തീരുമാനിച്ചു - “ഈ നോവല് അടിസ്ഥാനമാക്കി ഒരു സിനിമ രചിക്കുക തന്നെ”.
ഡെന്നീസ് ജോസഫ് എഴുതിയ തിരക്കഥ തമ്പി കണ്ണന്താനം സംവിധാനം ചെയ്തു. 1986 ജൂലൈ 16ന് ആ ചിത്രം പ്രദര്ശനത്തിനെത്തി. മോഹന്ലാലും സുരേഷ്ഗോപിയും രതീഷും അംബികയും അഭിനയിച്ച ആ സിനിമയുടെ പേര് ‘രാജാവിന്റെ മകന്’. പിന്നീട് സംഭവിച്ചതെല്ലാം ചരിത്രം.
ആ ചിത്രത്തിന്റെ മഹാവിജയത്തിലൂടെ മോഹന്ലാല് സൂപ്പര്താരമായി. റിലീസിങ് ദിവസത്തെ നൂൺഷോ കഴിഞ്ഞപ്പോൾ തന്നെ മോഹൻലാൽ സൂപ്പർസ്റ്റാർ ആയി. കണ്ണടച്ച് തുറക്കുന്ന സമയം കൊണ്ടാണ് മോഹൻലാൽ സൂപ്പർതാരമായതെന്ന് തമ്പി കണ്ണന്താനം തന്നെ പറഞ്ഞിട്ടുണ്ട്.
