കുൽഫി പ്രായഭേതമന്യേ എല്ലാവർക്കും ഇഷ്ടപ്പെടുന്ന ഒന്നാണ്. കുട്ടികൾക്കാവട്ടെ കുൽഫി എന്ന് കേട്ടാൽ തന്നെ ആവേശമാണ്. അവർക്കായി നല്ല മാമ്പഴ കുൽഫി വീട്ടിലുണ്ടാക്കിയാലോ ?

മാമ്പഴ കുൽഫി ഉണ്ടാക്കാൻ വേണ്ട ചേരുവകൾ

പാല്‍ - രണ്ട് കപ്പ്

ആല്‍ഫോണ്‍സോ മാങ്ങകള്‍ - രണ്ടെണ്ണം

പഞ്ചസാര - രണ്ട് സ്പൂണ്‍

കോണ്‍ഫ്ലോര്‍ - ഒരു ടേബിള്‍സ്പൂണ്‍

കശുവണ്ടി പരിപ്പ് - ഒരു സ്പൂണ്‍ ചെറുതായി നുറുക്കിയത്

ബദാം - ഒരു സ്പൂണ്‍ ചെറുതായി നുറുക്കിയത്

കുറച്ച്‌ കുല്‍ഫി അച്ചുകള്‍, ഇല്ലെങ്കിൽ ചെറിയ സ്റ്റീൽ ഗ്ലാസുകളായാലും മതി

മാമ്പഴ കുൽഫി ഉണ്ടാക്കുന്നതെങ്ങനെ എന്ന് നോക്കാം

ആ‍ദ്യം മാമ്പഴം ചെറിയ കഷ്ണങ്ങളാക്കി അരിഞ്ഞ് പേയ്സ്റ്റാക്കി എടുക്കുക. കഴുവണ്ടിയും ബദാമും ചെറുതായി ഇടിച്ച് മാറ്റി വക്കുക. ശേഷം പാൽ കുറഞ്ഞ ഫ്ലേമിൽ ചൂടാക്കാൻ വക്കുക. കട്ടിയാവുന്നതിനാണ് ഇത്. ഇതിലേക്ക് പഞ്ചസാര അലിയിച്ച് ചേർക്കുക. തുടർന്ന് കോൺഫ്ലോർ ചേർത്ത് നന്നായി ഇളക്കിക്കൊണ്ടിരിക്കുക.

ഈ സമയം അരിഞ്ഞു വച്ചിരിക്കുന്ന കശുവണ്ടിയും ബദാമും ചേർക്കാം. ഈ മിശ്രിതം നന്നായി കട്ടിയായ ശേഷം ഉടച്ചുവച്ചിരിക്കുന്ന മാമ്പഴം ചേർത്ത് അൽ‌പനേരം കൂടി വേവിക്കുക. ശേഷം. ഇത് തീയിൽ നിന്നും മാറ്റി തണുപ്പിക്ക. തണുപ്പിച്ച മിശ്രിതം നന്നായി മിക്സിയിൽ അടിച്ച ശേഷം കുൽഫി അച്ചുകളിലാക്കി 5 മുതൽ 6 മണിക്കൂർ വരെ ഫ്രീസറിൽ വക്കുക. മാമ്പഴ കുൽഫി റെഡി.