തിരുവനന്തപുരം|
Last Modified ചൊവ്വ, 20 ഒക്‌ടോബര്‍ 2015 (14:54 IST)
പുരസ്‌കാരങ്ങള്‍ തിരിച്ചു നല്‍കി പ്രതിഷേധത്തില്‍ നിലപാട് വ്യക്തമാക്കി പ്രശസ്ത് നടിയും നര്‍ത്തകിയുമായ ശോഭന. എഴുത്തുകാര്‍ ഇപ്പോള്‍ കേന്ദ്ര സര്‍ക്കാരിനു പുരസ്‌കാരങ്ങള്‍ മടക്കിക്കൊടുക്കുന്നത് എന്തിനുവേണ്ടിയാണെന്ന് തനിക്കറിയില്ലെന്നും എന്തിന്റെ പേരിലായാലും മടക്കി നല്‍കാന്‍ താന്‍ ഉദ്ദേശിക്കുന്നില്ലെന്നും നടി
ശോഭന പറഞ്ഞു. തിരുവനന്തപുരം പ്രസ് ക്ലബിലെ മീറ്റ് ദ് പ്രസ് പരിപാടിയില്‍ സംസാരിക്കുകയായിരുന്നു ശോഭന.
ഞാന്‍ സിനിമയില്‍ സജീവമായി നിന്ന കാലത്താണ് തനിക്ക് ഉര്‍വശി അവാര്‍ഡ് ലഭിച്ചതെന്നും ഏറെ വൈകി പുരസ്‌കാരങ്ങള്‍ തന്നിരുന്നെങ്കില്‍ താനും ഒരു പക്ഷേ അവാര്‍ഡുകള്‍ നിരസിക്കുമായിരുന്നുവെന്നും അവര്‍ പറഞ്ഞു. സാറാ ജോസഫ് അടക്കമുള്ളവര്‍ പുരസ്‌കാരം മടക്കി നല്‍കിയത് എന്തിനു വേണ്ടിയാണെന്നും വിവാദം എന്താണെന്നും തനിക്ക് അറിയില്ലെന്നും ശോഭന പറഞ്ഞു.
വ്യത്യസ്തവും എനിക്ക് എന്തെങ്കിലും പുതുതായി ചെയ്യാനുണ്ടെന്നു തോന്നുന്നതുമായ തിരക്കഥകൾ ലഭിക്കാത്തതിനാലാണ് മലയാളം സിനിമയില്‍ അഭിനയിക്കാത്തതെന്നും അവര്‍ പറഞ്ഞു.
