ശ്രീനു എസ്|
Last Updated:
വെള്ളി, 26 ജൂണ്‍ 2020 (07:53 IST)
സിബിഎസ്ഇ പത്താംക്ലാസ് പ്ലസ്ടു പരീക്ഷകള്‍ റദ്ദാക്കി. കൊവിഡ് വ്യാപനത്തിന്റെ സാഹചര്യത്തില്‍ പരീക്ഷകള്‍ റദ്ദാക്കണമെന്നാവശ്യപ്പെട്ട് വിദ്യാര്‍ത്ഥികളുടെ രക്ഷിതാക്കള്‍ സുപ്രീംകോടതിയില്‍ ഹര്‍ജി നല്‍കിയിരുന്നു. ഇത് പരിഗണിക്കവെയാണ് കേന്ദ്ര സര്‍ക്കാരും സിബിഎസ്ഇയും പരീക്ഷകള്‍ റദ്ദാക്കുന്ന തീരുമാനം കോടതിയെ അറിയിച്ചത്.
ജൂലൈ ഒന്നുമുതല്‍ 15വരെയാണ് നേരത്തെ പരീക്ഷകള്‍ നടത്താന്‍ തീരുമാനിച്ചിരുന്നത്. ഇന്റേണല്‍ മാര്‍ക്കിന്റെ അടിസ്ഥാനത്തിലായിരിക്കും ഫലപ്രഖ്യാപനം ഉണ്ടായിരിക്കുക. ഓഗസ്റ്റ് മാസം പകുതിയോടെ ഫലപ്രഖ്യാപനം ഉണ്ടാകുമെന്നും സിബിഎസ്ഇ അറിയിച്ചു.
