അനുബന്ധ വാര്ത്തകള്
- എന്തിനാണ് സത്യത്തില് സ്മൃതി ഇറാനി പഠിച്ചത്?
- 'കൂടുതൽ വോട്ടുകൾ തന്നാൽ കൂടുതൽ വികസനം, വോട്ടുകളുടെ എണ്ണം അനുസരിച്ച് ഗ്രാമങ്ങളെ തരംതിരിക്കും; വിവാദ പ്രസ്താവനയുമായി വീണ്ടും മേനകാ ഗാന്ധി
- ക്രിക്കറ്റ് താരം രവീന്ദ്ര ജഡേജയുടെ ഭാര്യ ബിജെപിയിൽ, അച്ഛനും സഹോദരിയും കോണ്ഗ്രസില്
- നരേന്ദ്ര മോദി വീണ്ടും അധികാരത്തില് വന്നാല് അമിത് ഷാ ആഭ്യന്തര മന്ത്രിയാകും: കെജ്രിവാള്
- ‘ഇസ്ലാമാകണമെങ്കില് ചില അടയാളങ്ങളൊക്കെ ഉണ്ടല്ലോ. വസ്ത്രം മാറ്റി നോക്കിയാല് അതറിയാന് പറ്റും’; വര്ഗീയ പരാമര്ശവുമായി ശ്രീധരന് പിള്ള
പ്രതിപക്ഷ പാര്ട്ടികള് വന്ദേമാതരം തെറ്റായി ചൊല്ലുന്നു എന്ന ആക്ഷേപവുമായി ബിജെപി നേതാവ്; എന്നാൽ ശരിയായി പാടൂ എന്ന ആവശ്യവുമായി മാധ്യമ പ്രവര്ത്തകന്, പാടാന് വരികളറിയാതെ ബിജെപി നേതാവ്
ഉത്തര് പ്രദേശിലെ മുറാബാദില് നടന്ന ബിജെപിയുടെ സങ്കല്പ് റാലിക്കിടയില് റിപ്പോര്ട്ടര് ശിവം അഗര്വാളുമായി അഭിമുഖം നടത്തുന്നതിനിടയിലാണ് സംഭവം.
വന്ദേമാതരത്തിന്റെ ഒരു വരിപോലും അറിയാതെ ബിജെപി നേതാവ് ശിവം അഗര്വാൾ. പ്രതിപക്ഷ പാര്ട്ടികള് വന്ദേമാതരം തെറ്റായാണ് പാടുന്നതെന്നു വിമര്ശിച്ച ബിജെപി നേതാവിനോട് വന്ദേമാതരം പാടാന് ഒരു സ്വകാര്യ ചാനലിലെ മാധ്യമ പ്രവര്ത്തകന് ആവശ്യപ്പെടുകയായിരുന്നു. എന്നാല് ഒരു വരി പോലും ചൊല്ലാനാകാതെ നില്ക്കുകയായിരുന്നു ശിവം അഗര്വാൾ.
ഉത്തര് പ്രദേശിലെ മുറാബാദില് നടന്ന ബിജെപിയുടെ സങ്കല്പ് റാലിക്കിടയില് റിപ്പോര്ട്ടര് ശിവം അഗര്വാളുമായി അഭിമുഖം നടത്തുന്നതിനിടയിലാണ് സംഭവം. പ്രാദേശിക പാര്ട്ടികള് തെറ്റായാണ് വന്ദേമാതരം പാടുന്നതെന്നും അവര് ദേശീയ പാര്ട്ടിയോട് അനാദരവ് കാണിക്കുകയുമാണെന്നാണ് ശിവം അഗര്വാള് പറഞ്ഞത്.
ഇതേ തുടര്ന്ന് വന്ദേമാതരം പാടാന് റിപ്പോര്ട്ടര് പറഞ്ഞെങ്കിലും ശിവം അഗര്വാള് ഒഴിഞ്ഞുമാറുകയായിരുന്നു. ഇടയ്ക്കിടെ ഫോണ് കോള് വരികയും അതിനു മറുപടി നല്കുകയും ചെയ്യുകയായിരുന്നു ഇയാൾ.പിന്നീട് ജനഗണമന പാടാന് റിപ്പോര്ട്ടര് ആവശ്യപ്പെട്ടു. എന്നാല് തനിക്കു അറിയാമെന്നും പക്ഷേ ചൊല്ലില്ലെന്നുമായിരുന്നു ശിവം അഗര്വാളിന്റെ മറുപടി.
