സല്‍മാന്‍ ഖാന്‍ നായകനായ ‘ജയ്ഹോ’ 100 കോടി ക്ലബില്‍ ഇടം നേടി. സല്‍മാന്‍ ഖാനെ സംബന്ധിച്ച് ഇതൊരു വലിയ കാര്യമല്ല. അദ്ദേഹത്തിന്‍റെ ഒരു സിനിമ 100 കോടി ക്ലബില്‍ ഇടം കണ്ടില്ലെങ്കില്‍ അതാണ് വാര്‍ത്ത. എങ്കിലും പ്രതീക്ഷിച്ച വിജയം ജയ്ഹോ നേടിയില്ലെന്നാണ് ഇന്‍ഡസ്ട്രിയില്‍ പൊതുവെയുള്ള വിലയിരുത്തല്‍.
ചെന്നൈ എക്സ്പ്രസിന്‍റെയും ധൂം3യുടെയുമൊക്കെ റെക്കോര്‍ഡുകള്‍ തകര്‍ക്കുമെന്ന് വീരവാദം മുഴക്കിയിരുന്നു ജയ്ഹോയുടെ റിലീസിന് മുമ്പ് സല്‍മാന്‍ ഖാന്‍. എന്നാല്‍ അതൊന്നും ഉണ്ടായില്ല. ഈ സാഹചര്യത്തില്‍ ബോളിവുഡിന്‍റെ ഇതുവരെയുള്ള വലിയ കളക്ഷന്‍ റെക്കോര്‍ഡുകള്‍ സൃഷ്ടിച്ച സിനിമകളിലൂടെ ഒരു ഓട്ടപ്രദക്ഷിണം നടത്താം.
