അനുബന്ധ വാര്ത്തകള്
- Kerala By Election 2024 Results: ഉപതിരഞ്ഞെടുപ്പില് എല്ഡിഎഫിന് നേട്ടം, യുഡിഎഫ്, എന്ഡിഎ സീറ്റുകള് പിടിച്ചെടുത്തു
- Lok Sabha Election 2024: തൃശൂരില് ചിത്രം തെളിഞ്ഞു; എല്ഡിഎഫ് സ്ഥാനാര്ഥിയായി സുനില് കുമാര് തന്നെ, ത്രികോണ പോരാട്ടത്തിനു കളമൊരുങ്ങി
- സോണിയയ്ക്ക് പകരം ആര്? റായ് ബറേലി നിലനിര്ത്താന് പ്രിയങ്ക !
- Rahul Gandhi: ഇത്തവണ ചുരം കയറാന് ഇല്ല ! വയനാട് മത്സരിക്കുന്നതില് നിന്ന് പിന്മാറി രാഹുല് ഗാന്ധി
- Lok Sabha Election 2024: ഉത്തര്പ്രദേശില് കോണ്ഗ്രസ് - സമാജ് വാദി പാര്ട്ടി സഖ്യം; ഭിന്നതകളില്ലെന്ന് അഖിലേഷ്
Lok Sabha Election 2024: ഒഴിഞ്ഞുമാറാന് നോക്കണ്ട ! ലോക്സഭാ തിരഞ്ഞെടുപ്പില് മത്സരിക്കണമെന്ന് എഐസിസി, സുധാകരന് വഴങ്ങിയേക്കും
കെപിസിസി അധ്യക്ഷ സ്ഥാനവും എംപി സ്ഥാനവും ഒന്നിച്ചു കൊണ്ടുപോകുന്നതില് സുധാകരന് എഐസിസി നേതൃത്വത്തെ ബുദ്ധിമുട്ട് അറിയിച്ചിരുന്നു
Lok Sabha Election 2024: ലോക്സഭാ തിരഞ്ഞെടുപ്പില് മത്സരിക്കണമെന്ന് കെപിസിസി അധ്യക്ഷന് കെ.സുധാകരന് നിര്ദേശം നല്കി എഐസിസി. സിറ്റിങ് എംപിമാര് മത്സരരംഗത്തു നിന്ന് മാറിനില്ക്കരുതെന്ന് എഐസിസി നേതൃത്വം കടുപ്പിച്ചു. കെപിസിസി അധ്യക്ഷനായതിനാല് തിരഞ്ഞെടുപ്പില് മത്സരിക്കുന്നില്ലെന്ന നിലപാടിലായിരുന്നു സുധാകരന്. എന്നാല് കണ്ണൂരില് നിന്ന് സുധാകരന് തന്നെ മത്സരിക്കണമെന്ന് എഐസിസി നേതൃത്വം നിലപാട് കടുപ്പിച്ചു.
കെപിസിസി അധ്യക്ഷ സ്ഥാനവും എംപി സ്ഥാനവും ഒന്നിച്ചു കൊണ്ടുപോകുന്നതില് സുധാകരന് എഐസിസി നേതൃത്വത്തെ ബുദ്ധിമുട്ട് അറിയിച്ചിരുന്നു. എന്നാല് എല്ഡിഎഫ് സ്ഥാനാര്ഥിയായി എം.വി.ജയരാജന് മത്സരിക്കാനുള്ള സാധ്യത കണക്കിലെടുത്താണ് സുധാകരന് തന്നെ കളത്തിലിറങ്ങണമെന്ന് നേതൃത്വം നിര്ദേശിച്ചത്.
സുധാകരന് മാത്രം ഇളവ് നല്കിയാല് സംസ്ഥാനത്തെ മറ്റു ചില യുഡിഎഫ് എംപിമാരും ലോക്സഭാ തിരഞ്ഞെടുപ്പില് നിന്ന് ഒഴിവാക്കണമെന്ന് ആവശ്യപ്പെടും. ഈ സാഹചര്യം കൂടി കണക്കിലെടുത്താണ് എഐസിസി നേതൃത്വത്തിന്റെ കടുംപിടിത്തം. അടുത്ത നിയമസഭാ തിരഞ്ഞെടുപ്പും മുഖ്യമന്ത്രി കസേരയും ലക്ഷ്യമിട്ടാണ് സുധാകരന് ലോക്സഭാ തിരഞ്ഞെടുപ്പ് രംഗത്തുനിന്ന് മാറിനില്ക്കാന് ആഗ്രഹിക്കുന്നതെന്നും റിപ്പോര്ട്ടുകളുണ്ടായിരുന്നു.
