അനുബന്ധ വാര്ത്തകള്
- സംസ്ഥാനത്ത് ഓഗസ്റ്റ് രണ്ടുവരെ കണ്ടെത്തിയത് 3242277 ഗതാഗത നിയമലംഘനങ്ങള്; നിയമലംഘനങ്ങളുടെ കണക്ക് വിവരങ്ങള് ഇങ്ങനെ
- സംസ്ഥാനത്ത് വരും മണിക്കൂറുകളില് ഈ ജില്ലകളില് മഴയ്ക്ക് സാധ്യത; മത്സ്യത്തൊഴിലാളികള്ക്ക് ജാഗ്രതാ നിര്ദേശം
- പത്തനംതിട്ടയില് വാഹനാപകടത്തില് ഗുരുതരമായി പരിക്കേറ്റ സ്ത്രീയെ ആശുപത്രിയില് എത്തിച്ചവര്ക്കെതിരെ പൊലീസ് കേസെടുത്തെന്ന് പരാതി
- കൊല്ലത്ത് വിദ്യാര്ത്ഥിനിയെ കഴുത്തറുത്ത് മരിച്ച നിലയില് കണ്ടെത്തി
- നിങ്ങള്ക്ക് പനിയുണ്ടോ? യാത്രകള് ഒഴിവാക്കുക; ചെക്ക് പോസ്റ്റുകളില് കര്ശന പരിശോധന
വാഹനങ്ങളില് ആള്ട്ടറേഷന് നടത്തുന്നവര് സാക്ഷ്യപത്രം നല്കണമെന്ന് ഗതാഗത മന്ത്രി ആന്റണി രാജു
വാഹനങ്ങളില് ആള്ട്ടറേഷന് നടത്തുന്ന സ്ഥാപനങ്ങള് അവ സുരക്ഷിതമാണെന്നും മാനദണ്ഡങ്ങള്ക്ക് വിധേയമാണെന്നും അപകടമുണ്ടായാല് അതിന്റെ ഉത്തരവാദിയാണെന്നുമുള്ള സാക്ഷ്യപത്രം വാഹന ഉടമകള്ക്ക് നല്കണമെന്ന് നിഷ്കര്ഷിക്കുമെന്ന് ഗതാഗത മന്ത്രി ആന്റണി രാജു നിയമസഭയില് പറഞ്ഞു. യാത്രാ വേളയിലും നിര്ത്തിയിടുമ്പോഴും വാഹനങ്ങള് അഗ്നിക്കിരയാവുന്ന സംഭവങ്ങള് സംസ്ഥാനത്ത് വര്ദ്ധിച്ചുവരുന്നത് സംബന്ധിച്ച് അനൂപ് ജേക്കബ് എംഎല്എ ഉന്നയിച്ച ശ്രദ്ധ ക്ഷണിക്കലിന് മറുപടി നല്കുകയായിരുന്നു മന്ത്രി.
വാഹനങ്ങള് തീപിടിച്ചുണ്ടാകുന്ന അപകടങ്ങള് സര്ക്കാരിന്റെ ശ്രദ്ധയില്പ്പെട്ടതിനെത്തുടര്ന്ന് അതിന്റെ യഥാര്ത്ഥ കാരണം കണ്ടെത്തി ജനങ്ങളുടെ സുരക്ഷ ഉറപ്പുവരുത്തുവാനായി ഗതാഗത മേഖലയിലെ സാങ്കേതിക വിദഗ്ധരുടെയും ഉന്നത ഉദ്യോഗസ്ഥരുടെയുംവാഹന നിര്മ്മാതാക്കളുടെയും ഡീലര്മാരുടെയും ഇന്ഷുറന്സ് സര്വ്വേ പ്രതിനിധികളുടെയും യോഗം ചേര്ന്ന് വിലയിരുത്തിയതായി മന്ത്രി പറഞ്ഞു.
മനുഷ്യ നിര്മ്മിതമായ കാരണങ്ങളാലും യന്ത്ര തകരാറുകളാലും ഉണ്ടാവുന്ന ഇലക്ട്രിക്കല് സര്ക്യൂട്ട് പ്രശ്നങ്ങള് മൂലമാണ് വാഹനങ്ങള്ക്ക് തീപിടിത്തമുണ്ടാകുന്നതെന്ന് പ്രാഥമികമായി വിലയിരുത്തിയിട്ടുണ്ട്. ലൈറ്റ് മോട്ടോര് വാഹനങ്ങളിലാണ് ഇത്തരം തീപിടുത്തം കൂടുതല് ഉണ്ടാവുന്നത്. ലോ വേരിയന്റ് വാഹനങ്ങളെ ഹൈ വേരിയന്റാക്കാന് ഓട്ടോമൊബൈല് സ്റ്റാന്ഡേര്ഡ് അനുസരിച്ചുള്ളതല്ലാത്ത ഫ്യൂസും വയറിങ്ങും അനുബന്ധ ഉപകരണങ്ങളും ഉപയോഗിച്ച് കൂടുതല് ഫിറ്റിംഗ്സുകള് ഘടിപ്പിച്ച് നിയമവിരുദ്ധമായി അള്ട്ടറേഷന് നടത്തുന്നത് തീപിടുത്തത്തിനുള്ള പ്രധാനകാരണമായി വിലയിരുത്തിയിട്ടുണ്ട്.
