വന്ദേഭാരത് ട്രെയിന് നേരെ വീണ്ടും കല്ലേറുണ്ടായി. ഇന്ന് വൈകുന്നേരം നാലേകാലോടുകൂടിയാണ് കല്ലേറുണ്ടായത്. കണിയാപുരത്തിനും പെരുങ്ങൂഴിക്കും ഇടയില്‍ വെച്ചാണ് കല്ലേറുണ്ടായത്. അക്രമത്തില്‍ സി4 കോച്ചിലെ സീറ്റ് നമ്പര്‍ 74 നു മുന്നിലെ ചില്ലു പൊട്ടിയിട്ടുണ്ട്. യാത്രക്കാര്‍ക്ക് ആര്‍ക്കും പരുക്കില്ല.

കഴിഞ്ഞ മാസം തൃശൂരില്‍ വെച്ച് വന്ദേഭാരത് എക്‌സ്പ്രസിന് നേരെ കല്ലേറുണ്ടായിരുന്നു. കല്ലേറില്‍ രണ്ട് കോച്ചുകളുടെ ചില്ല് പൊട്ടി. തിരുവനന്തപുരത്ത് നിന്ന് കാസറഗോഡേയ്ക്ക് പോവുകയായിരുന്ന ട്രെയിനിന് നേരെയാണ് ആക്രമണമുണ്ടായത്. കല്ലേറില്‍ c2, c4 കോച്ചുകളുടെ ചില്ലുകളാണ് പൊട്ടിയത്.