കോട്ടയം: വീട്ടുകാരോട് പിണങ്ങി പന്ത്രണ്ടുകാരൻ സ്വയം ദേഹത്ത് പെട്രോളൊഴിച്ചു തീ കൊളുത്തി മരിച്ചു. കോട്ടയം പാമ്പാടി കുന്നേപ്പാലം അറയ്ക്ക പറമ്പിൽ മാധവ് ആണ് ഇന്ന് രാവിലെ പതിനൊന്നോടെ ഈ കടുംകൈ ചെയ്തത്.

മാതാപിതാക്കളോട് പിണങ്ങിയാണ് ബാലൻ ഈ കടുംകൈ ചെയ്തത് എന്ന് പോലീസ് പറഞ്ഞു. 80 ശതമാനത്തോളം പൊള്ളലേറ്റ കുട്ടിയെ ഉടൻ തന്നെ കോട്ടയം മെഡിക്കൽ കോളേജ് ആശുപത്രിയിൽ എത്തിച്ചെങ്കിലും രക്ഷിക്കാനായില്ല. പാമ്പാടി ചെറുവള്ളിക്കാവ് ശ്രീഭദ്രാ സ്‌കൂളിലെ ഏഴാം ക്ലാസ് വിദ്യാർത്ഥിയാണ് മാധവ്.