അനുബന്ധ വാര്ത്തകള്
- കനത്ത മഴ: മണിമല, അച്ചന്കോവില് നദികളുടെ കരയിലുള്ളവര് ജാഗ്രതാ നിര്ദേശം
- സംസ്ഥാനത്ത് നാലുജില്ലകളിലും ഓറഞ്ച് അലര്ട്ട്; ആറുജില്ലകളില് യെല്ലോ അലര്ട്ട്
- 2023ല് ആരും കണ്ടിട്ടില്ലാത്ത ആടുജീവിതം ആ വര്ഷത്തെ മികച്ച ജനപ്രിയ ചിത്രമാക്കി മാറ്റിയ മായാവിദ്യ അപാരംതന്നെയെന്ന് ഡോ. കെഎസ് രാധാകൃഷ്ണന്
- കുതിച്ചുയര്ന്ന് സ്വര്ണവില; പവന് വര്ധിച്ചത് 840 രൂപ
- ഓട്ടോറിക്ഷയ്ക്കു ഇനി കേരളം മുഴുവന് ഓടാം; പെര്മിറ്റില് ഇളവ് നല്കാന് തീരുമാനം
കടുത്ത വരള്ച്ചയും അതിതീവ്ര മഴയും: കാലാവസ്ഥാ വ്യതിയാനം ഒരു ലക്ഷത്തിലധികം കര്ഷകരെ ബാധിച്ചെന്നും 350 കോടിയിലേറെ രൂപയുടെ നഷ്ടമുണ്ടാക്കിയെന്നും മുഖ്യമന്ത്രി
കാലാവസ്ഥാ വ്യതിയാനം സംസ്ഥാനത്തെ ഒരു ലക്ഷത്തിലധികം കര്ഷകരെ ബാധിച്ചെന്നും 350 കോടിയിലേറെ രൂപയുടെ നഷ്ടമുണ്ടാക്കിയെന്നും മുഖ്യമന്ത്രി പിണറായി വിജയന് പറഞ്ഞു. ചിങ്ങം ഒന്നിന് കര്ഷകദിനാചരണത്തോടനുബന്ധിച്ച് നടത്തിയ കര്ഷക അവാര്ഡ് വിതരണവും കതിര് ആപ്പ് ലോഞ്ചിംഗും നിര്വഹിക്കവെയാണ് മുഖ്യമന്ത്രി ഇക്കാര്യം പറഞ്ഞത്.
2024 ഫെബ്രുവരി മുതല് മെയ് വരെയുണ്ടായ കടുത്ത വരള്ച്ചയും ഉഷ്ണതരംഗവും തുടര്ന്നുണ്ടായ അതിതീവ്ര മഴയും മൂലം കേരളത്തില് വ്യാപകമായ കൃഷിനാശം സംഭവിച്ചു. വരള്ച്ച മൂലം സംസ്ഥാനത്ത് പ്രത്യക്ഷമായി 257.12 കോടി രൂപയുടെയും പരോക്ഷമായി 118.69 കോടി രൂപയുടെയും നഷ്ടം ഉണ്ടായതായി വിലയിരുത്തുന്നു. 56,947 കര്ഷകരെയാണ് വരള്ച്ച ബാധിച്ചത്. അതിതീവ്ര മഴയാകട്ടെ 51,231 കര്ഷകരെ ബാധിച്ചു. 16,004 ലക്ഷം രൂപയുടെ പ്രാഥമിക നാശനഷ്ടം ഉണ്ടായതായി കണക്കാക്കുന്നുവെന്ന് മുഖ്യമന്ത്രി പറഞ്ഞു.
