അനുബന്ധ വാര്ത്തകള്
- സംസ്ഥാനത്തെ ഓണക്കിറ്റ് വിതരണം 14.5 ലക്ഷം കടന്നു
- മനം നിറഞ്ഞ് ഓണം; ക്ഷേമ പെന്ഷന് വിതരണം ഇന്നുമുതല്
- ഇ- പോസ് സർവർ വീണ്ടും പണിമുടക്കി: ഓണക്കിറ്റ് വിതരണം വീണ്ടും തടസ്സപ്പെട്ടു
- ഓണത്തിന് അതിര്ത്തി ചെക്ക്പോസ്റ്റുകള് വഴി വരുന്ന പാലിന്റെ ഗുണമേന്മ പരിശോധന കര്ശനമാക്കും
- ഓണക്കാലമായി, ഇനി ഷര്ട്ടും മുണ്ടിന്റെയും കാലം, മമ്മൂട്ടിയുടെ ലുക്ക് ഏറ്റെടുക്കാന് ആരാധകര്
ഇ- പോസ് പിന്നെയും തകരാറിലായി: മിക്ക ജില്ലകളിലും നാലാം ദിവസവും ഓണക്കിറ്റ് വിതരണം മുടങ്ങി
ഇ-പോസ് തകരാറായതിനെ തുടർന്ന് മിക്ക ജില്ലകളിലും നാലാം ദിനവും ഓണക്കിറ്റ്, റേഷൻ വിതരണം മുടങ്ങി. പിങ്ക് കാർഡ് ഉള്ളവർക്കായിരുന്നു ഇന്ന് ഓണക്കിറ്റ് നൽകേണ്ടിയിരുന്നത്. എന്നാൽ ഇ-പോസ് മെഷീൻ സെർവർ തകരാറായതിനെ തുടർന്ന് മിക്ക ജില്ലകളിലും റേഷൻ വിതരണം മുടങ്ങി. പിന്നാലെ തകരാർ പരിഹരിച്ചെന്നും വിതരണം പുനരാരംഭിച്ചെന്നും അധികൃതർ അറിയിച്ചു.
നെറ്റ്വർക്ക് തകരാർ പരിഹരിച്ചുവെന്നും ബദൽ മാർഗങ്ങളും ഉടനുണ്ടാകുമെന്നും മന്ത്രി പറഞ്ഞു. ഇന്നലെ മാത്രം 9,83572 കിറ്റ് വിതരണം ചെയ്തതായും മന്ത്രി അറിയിച്ചു. മുൻപും കിറ്റ് വിതരണം ചെയ്ത സമയങ്ങളിൽ സെർവർ തകരാർ കാരണം വിതരണം പ്രതിസന്ധിയിലായിരുന്നു.ചൊവ്വാഴ്ച (ഓഗസ്റ്റ് 23) മുതലാണ് സംസ്ഥാനത്ത് ഓണക്കിറ്റ് വിതരണം തുടങ്ങിയത്. മഞ്ഞ കാർഡുടമകൾക്കായിരുന്നു ആദ്യ രണ്ട് ദിവസങ്ങളിൽ കിറ്റ് വിതരണം ചെയ്തത്. ഇന്ന് മുതൽ 3 ദിവസം പിങ്ക് കാർഡ് ഉടമകൾക്കും 29,30,31 തീയതികളിൽ നീല കാർഡ് ഉടമകൾക്കും സെപ്റ്റംബർ 1,2,3 തീയതികളിൽ വെള്ള കാർഡുകാർക്കും ഭക്ഷ്യക്കിറ്റുകൾ വിതരണം ചെയ്യും.
ഏതെങ്കിലും കാരണം കൊണ്ട് ഈ തീയതികൾ കിറ്റുകൾ വാങ്ങാൻ കഴിയാത്തവർക്ക് അടുത്തമാസം 4,5,6,7 തീയതികളിൽ കിറ്റ് വിതരണം ചെയ്യും. ഈ തീയതികളിൽ സംസ്ഥാനത്തെ ഏത് റേഷൻ കടകളിൽ നിന്നും കിറ്റ് വാങ്ങാൻ അവസരമുണ്ടാകും. അടുത്ത മാസം നാലിന് പകരം സെപ്റ്റംബർ 16ന് റേഷൻ കടകൾക്ക് അവധിയായിരിക്കും.
