അനുബന്ധ വാര്ത്തകള്
- കൊട്ടിയൂര് പീഡനക്കേസ് പ്രതിയെ വിവാഹം കഴിക്കണമെന്നുള്ള ഇരയുടെ ഹര്ജി കോടതി ഇന്ന് പരിഗണിക്കും
- വിവാഹം കഴിക്കാൻ ജാമ്യം നൽകണം: ഇരയ്ക്ക് പിന്നാലെ വൈദികൻ റോബിൻ വടക്കുംചേരിയും സുപ്രീം കോടതിയിൽ
- തന്നെ പീഡിപ്പിച്ച മുന് വൈദികനെ വിവാഹം കഴിക്കണമെന്ന് ആവശ്യപ്പെട്ട് പെണ്കുട്ടി കോടതിയില് !
- ട്രാഫിക് സിഗ്നലിന്റെ തൂണില് പിടിച്ച് നൃത്തം; ലഹരിക്കെതിരെ രണ്ട് ഹ്രസ്വചിത്രങ്ങള് സംവിധാനം ചെയ്തയാള് ലഹരിമരുന്ന് ഉപയോഗിച്ച കേസില് പിടിയില്
- 'മാനസ എന്ന കുട്ടിയുടെ മരണം എന്നെ വേദനിപ്പിച്ചു, അതുകൊണ്ട് ഞാന് മരിക്കുന്നു': മലപ്പുറത്ത് 33കാരന് ആത്മഹത്യ ചെയ്തു
വിവാഹം കഴിക്കാന് മുന് വൈദികന് റോബിന് ജാമ്യമില്ല
പീഡനത്തിനിരയായ പെണ്കുട്ടിയെ വിവാഹം കഴിക്കാന് മുന് വൈദികനും പീഡനക്കേസ് പ്രതിയുമായ റോബിന് വടക്കുംചേരിക്ക് ജാമ്യമില്ല. പ്രതിയുടെയും ഇരയുടെയും ഹര്ജി സുപ്രീം കോടതി തള്ളി. പീഡനത്തിന് ഇരയായ പെണ്കുട്ടിയെ വിവാഹം കഴിക്കാന് സമ്മതമാണെന്നും അതിനായി ജാമ്യം അനുവദിക്കണമെന്നുമായിരുന്നു റോബിന് വടക്കുംചേരിയുടെ ആവശ്യം. റോബിന് ജാമ്യം അനുവദിക്കണമെന്നും വിവാഹം കഴിക്കാന് സമ്മതമാണെന്നും പീഡനത്തിന് ഇരയായ പെണ്കുട്ടിയും കോടതിയില് ആവശ്യപ്പെട്ടിരുന്നു.
വിവാഹംകഴിക്കുന്നതിനായി ജാമ്യം അനുവദിക്കണമെന്ന് ആവശ്യപ്പെട്ട് സമര്പ്പിച്ച ഹര്ജികളെ കേരളം സുപ്രീം കോടതിയില് എതിര്ത്തിരുന്നു. കേസിലെ ഇരയെ വിവാഹം കഴിക്കാന് ഹ്രസ്വ കാലത്തേക്ക് ജാമ്യം അനുവദിക്കണമെന്നാണ് സുപ്രീം കോടതിയില് റോബിന് വടക്കുംചേരി ഹര്ജിയില് ആവശ്യപ്പെട്ടത്.
രണ്ട് മാസത്തെ ജാമ്യം അനുവദിക്കണം എന്ന് ഇരയും കോടതിയില് ഫയല് ചെയ്ത ഹര്ജിയില് ആവശ്യപ്പെട്ടിരുന്നു. നാല് വയസ്സുള്ള മകനെ സ്കൂളില് ചേര്ക്കുമ്പോള് അച്ഛന്റെ പേര് രേഖപ്പെടുത്തുന്നതിന് വിവാഹം അനിവാര്യമാണെന്ന് വ്യക്തമാക്കിയാണ് ഇര സുപ്രീം കോടതിയെ സമീപിച്ചിരിക്കുന്നത്.
