അനുബന്ധ വാര്ത്തകള്
- വീണ്ടും അടിച്ചു മോനെ; ക്ഷേത്ര ജീവനക്കാരന് 5 കോടിയുടെ ബമ്പർ
- അടിച്ച ലോട്ടറിയുമായി സുഹൃത്ത് മുങ്ങി, പിന്നീട് സംഭവിച്ചത് ഇങ്ങനെ !
- 65 ലക്ഷം അടിച്ച ലോട്ടറി ടിക്കറ്റുമായി സുഹൃത്ത് മുങ്ങി, പൊലീസില് പരാതി നല്കി യുവാവ്!
- അന്ധനായ ലോട്ടറി വില്പ്പനക്കാരന്റെ പക്കല് നിന്ന് ടിക്കറ്റുകൾ മോഷ്ടിച്ചു; യുവാവ് പിടിയിൽ
- നഗ്നമായ മാറിടത്തിന്റെ ചിത്രങ്ങള് ഓണ്ലൈനില് വില്പ്പനയ്ക്ക് വച്ച് യുവതി, ചാരിറ്റി എന്ന് വാദം!
മോഷ്ടിച്ച ലോട്ടറി ടിക്കറ്റിന് സമ്മാനം; കള്ളനെ പരീക്ഷിച്ച് ഭാഗ്യദേവത
പൗര്ണമി ഭാഗ്യക്കുറിയുടെ 3329 എന്ന നമ്പറിനാണ് 5000 രൂപയുടെ സമ്മാനം ലഭിച്ചത്.
ലോട്ടറി വില്പ്പനക്കാരനായ വയോധികന്റെ ബാഗും മോഷ്ടിച്ച കള്ളന് ലോട്ടറി അടിക്കുമെന്ന് പ്രതീക്ഷിച്ചിരുന്നിട്ടുണ്ടാവില്ല. ബാഗിലെ കാശായിരുന്നു ലക്ഷ്യം. എന്നാല് മോഷ്ടിച്ച ലോട്ടറിക്ക് സമ്മാനം നല്കിയാണ് ഭാഗ്യദേവതയുടെ പരീക്ഷണം. മോഷ്ടിച്ച സാധനങ്ങളുടെ കൂടെയുള്ള ലോട്ടറിക്കാണ് സമ്മാനം അടിച്ചത്. പൗര്ണമി ഭാഗ്യക്കുറിയുടെ 3329 എന്ന നമ്പറിനാണ് 5000 രൂപയുടെ സമ്മാനം ലഭിച്ചത്.
വടക്കഞ്ചേരി കനറാ ബാങ്കിന്റ എതിര്വശത്ത് ലോട്ടറി വില്ക്കുന്ന അറുപത്തിയഞ്ചുകാരന് കണ്ണമ്പ്ര സ്വദേശി മജീദിന്റെ മൊബൈല് ഫോണും, ലോട്ടറി സൂക്ഷിച്ച പണമടങ്ങിയ ബാഗുമാണ് കവര്ന്നത്. ഞായറാഴ്ച വൈകുന്നേരം നാലരയോടെയാണ് മോഷണം നടന്നത്. ലോട്ടറി വില്പനക്കാരന് സംസാരിച്ചു നില്ക്കുമ്പോള് പരിസരം നിരീക്ഷിച്ച മോഷ്ടാവ് ബാഗുമായി കടന്നുകളയുകയായിരുന്നു.
മോഷ്ടാവിന്റെ ദൃശ്യം തൊട്ടടുത്ത സിസിടിവിയില് പതിഞ്ഞിട്ടുണ്ട്. വെള്ള ഷര്ട്ടും മുണ്ടും ധരിച്ച ഏകദേശം 50 വയസ്സ് പ്രായം തോന്നിക്കുന്നയാളാണ് ദൃശ്യത്തിലുള്ളത്. വടക്കഞ്ചേരി പൊലീസ് അന്വേഷണം തുടങ്ങി.
