അനുബന്ധ വാര്ത്തകള്
- കൊവിഡിന് ആരംഭം കുറിച്ച ചൈന 70-ാം സ്ഥാനത്ത്; അമേരിക്കയില് ഇന്നലെ കൊവിഡ് സ്ഥിരീകരിച്ചത് 205578 പേര്ക്ക്
- സ്വന്തം കുഞ്ഞിനെ പതിനായിരം രൂപയ്ക്ക് വിറ്റ 22കാരി അറസ്റ്റില്
- കഴിഞ്ഞ 24 മണിക്കൂറിനിടെ രാജ്യത്ത് കൊവിഡ് സ്ഥിരീകരിച്ചത് 41,322 പേര്ക്ക്; ആകെ കൊവിഡ് ബാധിതരുടെ എണ്ണം 93,51,110 ആയി
- സ്വര്ണവിലയില് ഇടിവ്: ഈ ആഴ്ചയില് മാത്രം കുറഞ്ഞത് 1600 രൂപ
- ബംഗാള് ഉള്ക്കടലില് വീണ്ടും ന്യൂനമര്ദ്ദം; ചുഴലിക്കാറ്റായാല് പേര് ബുര്വി
മറ്റ് ജില്ലകളില് കഴിയുന്ന കോവിഡ് ബാധിതര്ക്കും ക്വാറന്റീനിലുള്ളവര്ക്കും സ്പെഷ്യല് തപാല് വോട്ട് അനുവദിക്കും
ആദ്യഘട്ട തദ്ദേശ തിരഞ്ഞെടുപ്പില് കോവിഡ് ബാധിതര്ക്കും ക്വാറന്റീനിലുള്ളവര്ക്കും സ്പെഷ്യല് തപാല് വോട്ട് അനുവദിക്കുന്നതിനായുള്ള പട്ടിക നവംബര് 29 മുതല് തയ്യാറാക്കുമെന്ന് സംസ്ഥാന തിരഞ്ഞെടുപ്പ് കമ്മീഷണര് വി. ഭാസ്കരന് അറിയിച്ചു. മറ്റ് ജില്ലകളില് കഴിയുന്ന കോവിഡ് ബാധിതര്ക്കും ക്വാറന്റീനിലുള്ളവര്ക്കും സ്പെഷ്യല് തപാല് വോട്ട് അനുവദിക്കും. ഡിസംബര് എട്ടിന് തിരഞ്ഞെടുപ്പ് നടക്കുന്ന തിരുവനന്തപുരം, കൊല്ലം, പത്തനംതിട്ട, ആലപ്പുഴ, ഇടുക്കി എന്നീ ജില്ലകളില് നവംബര് 29ന് തന്നെ ആദ്യ സര്ട്ടിഫൈഡ് ലിസ്റ്റ് ഡെസിഗ്നേറ്റഡ് ഹെല്ത്ത് ഓഫീസര് തയ്യാറാക്കി ജില്ലാ തിരഞ്ഞെടുപ്പ് ഉദ്യോഗസ്ഥന് കൈമാറണം. കൂടാതെ നവംബര് 30 മുതല് ഡിസംബര് ഏഴിന് വൈകുന്നേരം മൂന്നുവരെയുള്ള ദിവസങ്ങളിലെ സര്ട്ടിഫൈഡ് ലിസ്റ്റും അതാത് ദിവസങ്ങളില് കൈമാറണം.
ഡിസംബര് എട്ടിന് വോട്ടെടുപ്പ് നടക്കുന്ന ജില്ലകളില് നിന്നുള്ളവര് ഉള്പ്പെടുന്ന ആദ്യ സര്ട്ടിഫൈഡ് ലിസ്റ്റ് കോട്ടയം, എറണാകുളം, തൃശ്ശൂര്, പാലക്കാട്, വയനാട്, മലപ്പുറം, കോഴിക്കോട്, കണ്ണൂര്, കാസര്ഗോഡ് ജില്ലകളിലെ ഡെസിഗ്നേറ്റ്ഡ് ഹെല്ത്ത് ഓഫീസര്മാര് നവംബര് 29ന് തയ്യാറാക്കണം. തുടര്ന്ന് ഡിസംബര് ഏഴുവരെ തിയതികളില് കോവിഡ് പോസിറ്റീവ് ആയവരുടെയും ക്വാറന്റീനില് ഉള്ളവരുടെയും ലിസ്റ്റും തയ്യാറാക്കണം. അത്തരത്തിലുള്ള ഒന്പത് ജില്ലകളിലെ ജില്ലാ തിരഞ്ഞെടുപ്പ് ഉദ്യോഗസ്ഥര് അവര്ക്ക് ലഭിക്കുന്ന സര്ട്ടിഫൈഡ് ലിസ്റ്റുകള് ആദ്യ ഘട്ട തിരഞ്ഞെടുപ്പ് നടക്കുന്ന അഞ്ച് ജില്ലകളിലെ ജില്ലാ തിരഞ്ഞെടുപ്പ് ഉദ്യോഗസ്ഥര്ക്ക് അതേ ദിവസംതന്നെ അറിയിച്ചിരിക്കണം. ഇത്തരത്തില് തിരഞ്ഞെടുപ്പിന്റെ ഓരോ ഘട്ടത്തിലും മറ്റ് ജില്ലകളില് കഴിയുന്ന സ്പെഷ്യല് വോട്ടര്മാര് ഉള്പ്പെടുന്ന സര്ട്ടിഫൈഡ് ലിസ്റ്റ് തിരഞ്ഞെടുപ്പിന് 10 ദിവസം മുമ്പ് മുതല് അതാത് ദിവസം ഡെസിഗ്നേറ്റഡ് ഹെല്ത്ത് ഓഫീസര് തയ്യാറാക്കി ജില്ലാ തിരഞ്ഞെടുപ്പ് ഉദ്യോഗസ്ഥന് കൈമാറണം. ഈ പട്ടിക സ്പെഷ്യല് വോട്ടറുള്പ്പെടുന്ന ജില്ലയിലെ തിരഞ്ഞെടുപ്പ് ഉദ്യോഗസസ്ഥന് അതാത് ദിവസം തന്നെ നല്കണം.
