കാസര്‍കോട് ഉദുമയില്‍ യുവതിയെ പുഴയില്‍ മരിച്ച നിലയില്‍ കണ്ടെത്തി. കാപ്പില്‍ കോടി റോഡിലെ മുഹമ്മദലി-സുബൈദ ദമ്പതികളുടെ മകള്‍ വിഎസ് തഫ്സീനയാണ് മരിച്ചത്. 27 വയസായിരുന്നു. രണ്ട് മാസം മുന്‍പാണ് യുവതി വിവാഹിതയായത്. എന്നാല്‍ കുറച്ച് മാസങ്ങളായി യുവതി സ്വന്തം വീട്ടിലായിരുന്നു താമസം.

ബുധനാഴ്ച വൈകിട്ട് ആറ് മണിയോടെയായിരുന്നു കാപ്പില്‍ പുഴയില്‍ വീണുകിടക്കുന്ന നിലയില്‍ യുവതിയെ പ്രദേശവാസികള്‍ കണ്ടെത്തിയത്. ഉടന്‍തന്നെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.