സിആര്‍ രവിചന്ദ്രന്‍|
Last Modified വെള്ളി, 18 ഓഗസ്റ്റ് 2023 (08:43 IST)
ഇടുക്കിയില്‍ ഇന്ന് കോണ്‍ഗ്രസ് ഹര്‍ത്താല്‍. ഇതേത്തുടര്‍ന്ന സ്‌കൂള്‍ പരീക്ഷകള്‍ മാറ്റിവച്ചു. എല്‍പി, യുപി, എച്ച് എസ് ക്ലാസുകളിലെ പരീക്ഷകള്‍ മാറ്റിയതായി പൊതുവിദ്യാഭ്യാസ ഡയറക്ടര്‍ അറിയിച്ചു. മാറ്റിയ പരീക്ഷ ഈ മാസം 25ന് നടത്തും. കൂടാതെ എംജി സര്‍വകലാശാല ഇന്നുനടത്താനിരുന്ന പരീക്ഷകളും മാറ്റിവച്ചിട്ടുണ്ട്.
ഇടുക്കി ജില്ലയില്‍ നിലനില്‍ക്കുന്ന ഭൂപ്രശ്‌നങ്ങളും വന്യജീവി ശല്യവും ഉന്നയിച്ചാണ് കോണ്‍ഗ്രസ് ജില്ലാ കമ്മിറ്റി ഇന്ന് ഹര്‍ത്താല്‍ പ്രഖ്യാപിച്ചത്. ഇന്ന് വൈകീട്ട് ആറുമണിവരെയാണ് ഹര്‍ത്താല്‍.
