അനുബന്ധ വാര്ത്തകള്
- ശക്തി പ്രാപിച്ച് കിഴക്കന് കാറ്റ്; കേരളത്തില് ബുധനാഴ്ച മുതല് വീണ്ടും മഴ
- മഴക്കെടുതിയില് സംസ്ഥാനത്തെ മരണം 24 ആയി; കോട്ടയത്തുമാത്രം 13മരണം
- ജലനിരപ്പ് ഉയരുന്നു; ഇടുക്കി ഡാമില് ഓറഞ്ച് അലര്ട്ട്, ആശങ്ക വേണ്ട
- സംസ്ഥാനത്തെ എട്ടുജില്ലകളില് മഴ തുടരും; 40 കിലോമീറ്റര് വേഗത്തില് കാറ്റിനും സാധ്യത
- മഴക്കെടുതി: സംസ്ഥാനത്ത് അടിയന്തിര സഹായത്തിന് 112 ല് വിളിക്കാം
മഴ കുറഞ്ഞിട്ടും ശക്തമായ നീരൊഴുക്ക്; ഇടുക്കി ഡാം തുറക്കേണ്ടിവരും
മഴയുടെ അളവ് കുറഞ്ഞിട്ടും വൃഷ്ടിപ്രദേശത്തു നിന്നുള്ള നീരൊഴുക്കില് ഇടുക്കി ഡാമിലെ ജലനിരപ്പ് ഉയരുന്നു. നിലവിലെ നീരൊഴുക്ക് തുടര്ന്നാല് ഡാം തുറക്കേണ്ടിവരുമെന്ന് വൈദ്യുതി മന്ത്രി പറഞ്ഞു. തുറക്കാതിരിക്കാന് പരമാവധി ശ്രമിക്കുന്നു. പ്രതികൂല കാലാവസ്ഥ തുടര്ന്നാല് മറ്റു മാര്ഗമില്ലെന്നും മന്ത്രി വിശദീകരിച്ചു.
നിലവില് ഓറഞ്ച് അലര്ട്ട്
അതിശക്തമായ മഴയെ തുടര്ന്ന് ജലനിരപ്പ് ഉയരുന്നതിനാല് ഇടുക്കി ഡാമില് ഓറഞ്ച് അലര്ട്ട് പ്രഖ്യാപിച്ചിട്ടുണ്ട്. നിലവില് ആശങ്കപ്പെടേണ്ട സാഹചര്യമില്ല. ഇന്ന് രാവിലെ ഏഴ് മണിക്കാണ് ഇടുക്കിയില് ഓറഞ്ച് അലര്ട്ട് പ്രഖ്യാപിച്ചത്. ഇടുക്കിയിലെ പൂര്ണ സംഭരണ ശേഷി 2403 അടിയാണ്. ജലനിരപ്പ് 2396.86 അടിയിലെത്തുമ്പോഴാണ് ഓറഞ്ച് അലര്ട്ട് പ്രഖ്യാപിക്കുക. ജലനിരപ്പ് 2397.86 അടി എത്തിയാല് റെഡ് അലര്ട്ട് പ്രഖ്യാപിക്കും. അപ്പര് റൂള് കര്വായ 2398.86 അടിയില് ജലനിരപ്പെത്തിയാലാണ് അണക്കെട്ടിന്റെ ഷട്ടര് തുറന്ന് ജലമൊഴുക്കേണ്ട സാഹചര്യമുണ്ടാവുക. രാത്രിയില് ഡാം തുറക്കില്ല.
