വീട്ടിൽ ചടങ്ങ് നടക്കവേ കവർച്ച; നഷ്ടപ്പെട്ടത് 21 പവൻ
സ്വകാര്യ ചടങ്ങിനിടെ 21 പവന് നഷ്ടപ്പെട്ടു
വീട്ടില് നടന്ന സ്വകാര്യ ചടങ്ങിനിടെ വീട്ടുടമയുടെ 21 പവന്റെ സ്വര്ണ്ണാഭരണങ്ങള് നഷ്ടപ്പെട്ടു. ആര്യനാട് പള്ളിവേട്ട കടുവാക്കുഴി എ എ മന്സിലില് ലൈല എന്ന 40 വീട്ടിലായിരുന്നു കവര്ച്ച നടന്നത്.
വീട്ടില് ഒരു ചടങ്ങ് നടക്കുകയായിരുന്ന നവംബര് 18, 19 തീയതികളില് ഒരു ദിവസമാണ് ആഭരണങ്ങള് നഷ്ടമായതെന്ന് അറിയുന്നു. 12 പവന്റെ മാല, 7 പവന്റെ വള, രണ്ടര പവന്റെ ബ്രേസ്ലെറ്റ് എന്നിവയാണു നഷ്ടപ്പെട്ടത്.
വീട്ടിലെ അലമാരയില് സൂക്ഷിച്ചിരുന്ന ആഭരണമാണു നഷ്ടപ്പെട്ടത്. ബന്ധുക്കള് ഉള്പ്പെടെ നിരവധി പേര് ചടങ്ങില് പങ്കെടുത്തിരുന്നു. പരാതിയെ തുടര്ന്ന് ആര്യനാട് പൊലീസ് അന്വേഷണം ആരംഭിച്ചു.
