ഫ്രാങ്കോ മുളയ്‌ക്കൽ പുറത്തിറങ്ങിയാൽ ശത്രുപക്ഷത്ത് നിൽക്കുന്നവരുടെ മരണം ഉൾപ്പെടെയുള്ള എന്തും സംഭവിക്കുമെന്ന് നേരത്തേ കരുതിയിരുന്നതായി കന്യാസ്‌ത്രീയുടെ സഹോദരൻ. കേസിൽ മൊഴി നൽകിയ പലരും ഇപ്പോൾ കൂറുമാറുന്നുണ്ട്. പല സാക്ഷികളെയും സ്വാധീനിക്കാൻ ശ്രമം തുടങ്ങിക്കഴിഞ്ഞെന്നും അവർ കൂട്ടിച്ചേർത്തു.

ഫാദർ കുര്യാക്കോസ് കാട്ടുതുറയുടെ മരണം കേട്ടപ്പോൾ മുതൽ ഞങ്ങൾക്ക് കൂടുതൽ പേടി തോന്നുന്നു. നിലവിൽ ജലന്ധറിൽ നിന്നുള്ള രണ്ട് കന്യാസ്‌ത്രീകൾ ഇവിടെ താമസിക്കുന്നുണ്ട്. അതൊക്കെ എന്തിനാണെന്ന് ഞങ്ങൾക്ക് അറിയില്ല. അതുകൊണ്ടുതന്നെ ഓരോ നിമിഷവും ഭയപ്പെട്ടാണ് ഇവിടെ കഴിയുന്നതെന്നും പീഡനത്തിനിരയായ കന്യാസ്‌ത്രീയുംഒപ്പമുള്ളവരും പറയുന്നു.

അതേസമയം, പീഡന പരാതി നൽകിയ കന്യാസ്‌ത്രീയുടെ ജീവനിൽ പേടിയുണ്ടെന്ന് കന്യാസ്‌ത്രീയുടെ മൂത്ത സഹോദരി പറഞ്ഞു.