അനുബന്ധ വാര്ത്തകള്
- ഗണേഷോത്സവം: മൂന്ന് ദിവസം ഇറച്ചി, ബിരിയാണിക്കടകൾ അടച്ചിടണമെന്ന് സർക്കുലർ, വിവാദമായതോടെ പിൻവലിച്ച് തമിഴ്നാട് പോലീസ്
- MDMA കേസ് കാണാൻ സ്റ്റേഷനിലെത്തിയ പട്ടാളക്കാരനും സഹോദരനും എ എസ് ഐയുടെ തല ഇടിച്ചുപൊട്ടിച്ചു
- മുളക് പൊടിയിലും മഞ്ഞൾ പൊടിയിലും മാത്രമല്ല ടൂത്ത് പേസ്റ്റിലും വ്യാജൻ, പിടികൂടിയത് 365 ട്യൂബുകൾ
- കൊല്ലത്ത് സൈനികന് എഎസ്ഐയുടെ തലയടിച്ചു പൊട്ടിച്ചു
- തിരുവനന്തപുരത്ത് വീട്ടമ്മയെ തട്ടിക്കൊണ്ടു പോയി 40 പവന് കവര്ന്ന് റബ്ബര്തോട്ടത്തില് ഉപേക്ഷിച്ച മൂന്നുപേര് പിടിയില്
വാഹനപരിശോധന ബോധവത്കരണത്തിനിടെ വ്യാജ സി.ഐ പിടിയിലായി
കണ്ണൂർ: വാഹനപരിശോധന ബോധവത്കരണത്തിന് കഴിഞ്ഞ രണ്ടു മാസത്തിലധികമായി റോഡിൽ ഉണ്ടായിരുന്ന വ്യാജ സി.ഐ യെ പോലീസ് പിടികൂടി. കണ്ണൂർ ജില്ലയിലെ പരിയാരത്ത് വച്ചാണ് സംഭവം നടന്നത്. ഇതുമായി ബന്ധപ്പെട്ടു കടന്നപ്പള്ളി ചന്തപ്പുര കെ.ജഗദീഷ് (40) ആണ് പോലീസ് പിടിയിലായത്.
കഴിഞ്ഞ ദിവസം രാത്രിയോടെയാണ് ഇയാളെ പിടിച്ചത്. പോലീസ് വേഷത്തിൽ പരിയാരം പോലീസ് സ്റ്റേഷനിലെ സർക്കിൾ ഇൻസ്പെക്ടർ ആണെന്ന് തെറ്റിദ്ധരിപ്പിച്ചായിരുന്നു ജഗദീഷ് വാഹന പരിശോധന നടത്തിയത്. എന്നാൽ നിലവിൽ പരിയാരം സ്റ്റേഷനിൽ സി.ഐ ഇല്ല എന്നതും മറ്റു പോലീസുകാരുടെ കൂട്ടൊന്നും ഇല്ലാതെ സി.ഐ ഒറ്റയ്ക്ക് ഈ പണി ചെയ്യുന്നതും നാട്ടുകാരിൽ സംശയം ജനിപ്പിച്ചു. തുടർന്ന് പോലീസ് എത്തിയതായിരുന്നു ഇയാളെ പിടികൂടിയത്. പയ്യന്നൂരിലെ ഒരു സ്വകാര്യ സ്ഥാപനത്തിലെ ഡ്രൈവറായി ജോലി ചെയ്യുന്ന ആളാണ് ജഗദീഷ്.
പോലീസ് യൂണിഫോമിൽ ഒരു കൂട്ടുകൂടി ഇട്ടായിരുന്നു ജഗദീഷിന്റെ ബൈക്കിലുള്ള സവാരി. ഒപ്പം നെയിം ബോർഡ്, പോലീസ് ബൂട്ട് എല്ലാമുള്ളതിനാൽ ആർക്കും സംശയം തോന്നിയതുമില്ല. വ്യാജ സി.ഐ യുടെ പരിശോധന നടക്കുന്ന വിവരം അറിഞ്ഞു പരിയാരം എസ്ഐ. വിപിൻ ജോയിയും സംഘവുമാണ് ജഗദീഷിനെ പിടികൂടിയത്. വാഹന പരിശോധനയ്ക്ക് ഇടയിൽ ഇയാൾ സാമ്പത്തിക ക്രമക്കേടുകൾ നടത്തിയിട്ടുണ്ടോ എന്നും മറ്റും പോലീസ് അന്വേഷിക്കുന്നുണ്ട്.
