അനുബന്ധ വാര്ത്തകള്
- എംബിഎ പ്രവേശന പരീക്ഷാ അഡ്മിറ്റ് കാര്ഡ് വന്നു
- വേനല്ച്ചൂട് കഠിനം: സംസ്ഥാനത്തെ സ്കൂളുകളില് ഇനിമുതല് വാട്ടര് ബെല്!
- സൗജന്യ ലാപ്ടോപ് വിതരണം: മാര്ച്ച് 16 വരെ അപേക്ഷിക്കാം
- വന്ദേഭാരത് ട്രെയിനിലെ സി5 കോച്ചിലാണ് സ്മോക്ക് അലാറം മുഴങ്ങി; പുകവലിച്ചയാളില് നിന്ന് ഭീമമായ തുക പിഴയീടാക്കും
- മുക്കുപണ്ടം : 15 ലക്ഷം തട്ടി ഒളിവിൽ പോയ പ്രതി ഒരു വർഷത്തിന് ശേഷം പിടിയിൽ
ഹയര് സെക്കന്ഡറി തുല്യതാ പരീക്ഷ മെയ് 20 മുതല് 25 വരെ നടക്കും
ഹയര് സെക്കന്ഡറി തുല്യതാ പരീക്ഷ മെയ് 20 മുതല് 25 വരെ നടത്തുന്നതിന് പൊതുവിദ്യാഭ്യാസ ഡയറക്ടറേറ്റ് ഹയര് സെക്കന്ഡറി വിഭാഗം വിജ്ഞാപനമിറക്കി. ജില്ലയില് 22 ഹയര്സെക്കന്ഡറി സ്കൂളുകള് പരീക്ഷാ കേന്ദ്രങ്ങളാകും. ഹയര് സെക്കന്ഡറി ഒന്നാം വര്ഷം, രണ്ടാം വര്ഷ പരീക്ഷകളാണ് മെയ് മാസത്തില് നടക്കുക. പരീക്ഷാ ഫീസ് അടയ്ക്കുന്നതിനുള്ള അവസാന തീയതി മാര്ച്ച് അഞ്ച് ആണ്.
ഗ്രേഡിങ് രീതിയിലാണ് തുല്യതാ പരീക്ഷയും നടക്കുക. നിരന്തര മൂല്യനിര്ണ്ണയം, പ്രായോഗിക മൂല്യനിര്ണ്ണയം, ആത്യന്തിക മൂല്യനിര്ണ്ണയം എന്നിവ ഉള്പ്പെട്ടിട്ടുള്ളതാണ് ഗ്രേഡിങ് സമ്പ്രദായം. ജില്ലയില് 29 സമ്പര്ക്ക പഠനകേന്ദ്രങ്ങളിലായി രണ്ടായിരത്തോളം മുതിര്ന്ന പഠിതാക്കളാണ് തുല്യതാ പരീക്ഷക്ക് തയാറെടുക്കുന്നത്.കോഴ്സിന്റെ നടത്തിപ്പ് ചുമതല സാക്ഷരതാ മിഷനും പൊതുപരീക്ഷയുടെ നടത്തിപ്പ് ചുമതല പൊതുവിദ്യാഭ്യാസ ഡയറക്ടറേറ്റ് ഹയര് സെക്കന്ഡറി വിഭാഗത്തിനുമാണ്.
പരീക്ഷ സംബന്ധിച്ച കൂടുതല് വിവരങ്ങള്ക്ക് 95264 13455, 9947528616 എന്നീ ഫോണ് നമ്പരുകളില് ബന്ധപ്പെടണമെന്ന് സാക്ഷരതാ മിഷന് ജില്ലാ കോര്ഡിനേറ്റര് അറിയിച്ചു.
