അനുബന്ധ വാര്ത്തകള്
- മോളിവുഡിന്റെ താര രാജാക്കന്മാര് ഒറ്റ ഫ്രെയിമില്, ചിത്രം സോഷ്യല് മീഡിയയില് ഹിറ്റ് !
- പാലക്കാട് പ്രായപൂര്ത്തിയാകാത്ത പെണ്കുട്ടിയുടെ ആത്മഹത്യ: പീഡനത്തിനിരയാക്കിയ 24കാരന് പിടിയില്
- അന്യസംസ്ഥാന തൊഴിലാളികളെ താമസിപ്പിക്കുന്നവര്ക്ക് കര്ശന നിര്ദ്ദേശവുമായി പോലീസ്; രേഖകള് പോലീസില് സമര്പ്പിക്കണം
- ഹരിയാനയിലെ കലാപം: ഗുരുഗ്രാമില് ബിരിയാണിക്കടകള് അടിച്ചുതകര്ത്തു
- മലപ്പുറത്ത് മയക്കുമരുന്നു കേസില് പിടിയിലായതിനുപിന്നാലെ 30കാരന് പോലീസ് കസ്റ്റഡിയില് മരിച്ചു
അതിഥി തൊഴിലാളികളുടെ കുട്ടികള്ക്ക് ഡേ കെയര്, ക്രഷ് സംവിധാനമൊരുക്കും
അതിഥി തൊഴിലാളികളുടെ കുട്ടികളുടെ സുരക്ഷയുടെ ഭാഗമായി ആലുവ, പെരുമ്പാവൂര് മേഖലകളിലെ സ്കൂളുകള് കേന്ദ്രീകരിച്ച് ഡേ കെയര്, ക്രഷ് സംവിധാനമൊരുക്കുന്നതിന് സര്ക്കാര് നടപടി സ്വീകരിക്കുമെന്ന് വ്യവസായ വകുപ്പ് മന്ത്രി പി.രാജീവ് പറഞ്ഞു. ആലുവയില് അഞ്ചു വയസുകാരി കൊല്ലപ്പെട്ടതിന്റെ പശ്ചാത്തലത്തില് കുട്ടികള്ക്ക് കൂടുതല് സുരക്ഷ ഒരുക്കുന്നതിന്റെ ഭാഗമായി കളക്ടറേറ്റില് വിവിധ വകുപ്പുകളെ പങ്കെടുപ്പിച്ചു ചേര്ന്ന പ്രത്യേക യോഗത്തിലാണു മന്ത്രി ഇക്കാര്യം അറിയിച്ചത്.
അതിഥി തൊഴിലാളികളുടെ കുട്ടികള് പഠിക്കുന്ന സ്കൂളുകള് കേന്ദ്രീകരിച്ചു തന്നെ ഡേ കെയര് ക്രമീകരിക്കുന്നതിനുള്ള സാധ്യതയാണ് പരിഗണിക്കുന്നത്. മാതാപിതാക്കള് ജോലിക്കു പോകുന്നതിനാല് സ്കൂള് സമയം കഴിഞ്ഞും അവധി ദിവസങ്ങളിലും കുട്ടികള് വീടുകളില് ഒറ്റപ്പെട്ടു പോകുന്ന സാഹചര്യം ഒഴിവാക്കുകയാണു ലക്ഷ്യം. ക്രഷ് ആവശ്യമായ ഇടങ്ങളില് ഒരുക്കും.
