സിആര്‍ രവിചന്ദ്രന്‍|
Last Modified വ്യാഴം, 21 സെപ്‌റ്റംബര്‍ 2023 (11:42 IST)
കണ്ണൂരില്‍ നവവധു ഭര്‍തൃവീട്ടില്‍ ജീവനൊടുക്കിയ സംഭവത്തില്‍ ഭര്‍ത്താവ് കോടതിയില്‍ കീഴടങ്ങി. കതിരൂര്‍ നാലാംമൈലിനടുത്ത് മാധവനിലയത്തില്‍ സച്ചിന്‍ ആണ് കീഴടങ്ങിയത്. ഏപ്രില്‍ രണ്ടിനാണ് സച്ചിനും മേഘയും വിവാഹിതരാകുന്നത്. ഇരുവരുടെയും പ്രണയ വിവാഹമായിരുന്നു. എന്നാല്‍ ജൂണ്‍ 12-ന് മേഘയെ കതിരൂരിലെ ഭര്‍തൃവീടിന്റെ മുകളിലത്തെ നിലയില്‍ തൂങ്ങി മരിച്ച നിലയില്‍ കണ്ടെത്തുകയായിരുന്നു.
മകള്‍ ജീവനൊടുക്കിയത് ഭര്‍ത്താവിന്റെ പീഡനത്തെ തുടര്‍ന്നാണെന്ന് മാതാപിതാക്കള്‍ പരാതി നല്‍കി. അന്വേഷണത്തില്‍ കതിരൂര്‍ പോലീസ് സച്ചിനെതിരേ ആത്മഹത്യാപ്രേരണ കുറ്റംചുമത്തി കേസെടുത്തിരുന്നു.
