അനുബന്ധ വാര്ത്തകള്
- രാഹുൽ ഗാന്ധിയുടെ വിശ്വസ്തനായിരുന്ന ജിതിൻ പ്രസാദ ബിജെപിയിൽ ചേർന്നു
- മുഖ്യമന്ത്രി സ്ഥാനാര്ഥിയാകാന് നേരത്തെ കോപ്പുകൂട്ടി വേണുഗോപാല്? കോണ്ഗ്രസ് അടിമുടി മാറ്റത്തിലേക്ക്
- 'സിപിഎമ്മിനെ കണ്ടുപഠിക്ക്'; സെമി കേഡര് പാര്ട്ടിയാകാന് കോണ്ഗ്രസ്
- ഉമ്മന്ചാണ്ടിയെയും ചെന്നിത്തലയെയും വെട്ടി; കോണ്ഗ്രസില് ശക്തികേന്ദ്രമായി വേണുഗോപാല്
- പ്രവർത്തകർക്കൊപ്പമാവണമെന്ന് സോണിയയുടെ ഉപദേശം, സുധാകരന് തുണയായത് രാഹുൽ ഗാന്ധിയുടെ നിലപാട്
ചെന്നിത്തലയെ ഇങ്ങനെ അപമാനിച്ചു ഇറക്കിവിടരുതായിരുന്നു; ഹൈക്കമാന്ഡിനെ പരാതി അറിയിച്ച് നേതാക്കള്
പ്രതിപക്ഷ നേതാവ് സ്ഥാനത്തുനിന്ന് രമേശ് ചെന്നിത്തലയെ നീക്കിയ രീതി ശരിയായില്ലെന്ന് കോണ്ഗ്രസിനുള്ളിലെ ഒരു വിഭാഗം നേതാക്കള്. ചില നേതാക്കള് ഹൈക്കമാന്ഡിനെ രഹസ്യമായി ഇക്കാര്യം അറിയിച്ചു. രമേശ് ചെന്നിത്തലയെ നീക്കിയ രീതി അദ്ദേഹത്തെ അപമാനിക്കുന്നതിനു തുല്യമായി എന്നാണ് ഇവരുടെ അഭിപ്രായം. കേന്ദ്ര നേതൃത്വത്തെ വളരെ രഹസ്യമായാണ് ചില നേതാക്കള് ഈ പരാതി അറിയിച്ചിരിക്കുന്നത്. ചെന്നിത്തലയെ മാറ്റാന് ഉദ്ദേശമുണ്ടായിരുന്നെങ്കില് അക്കാര്യം അദ്ദേഹത്തെ അറിയിക്കാമായിരുന്നു. വി.ഡി.സതീശനെ പ്രതിപക്ഷ നേതാവ് ആക്കാനാണ് ആലോചിക്കുന്നതെന്ന് ആദ്യമേ തന്നെ അറിയിക്കേണ്ടിയിരുന്നത് ചെന്നിത്തലയെയാണ്. എല്ലാ ചര്ച്ചകളും പൂര്ത്തിയായ ശേഷം ഇക്കാര്യം അറിയിച്ചത് ഉചിതമായ രീതിയല്ല. അപമാനിച്ചു ഇറക്കിവിട്ടതിനു തുല്യമാണ് ഇപ്പോള് ഉണ്ടായിരിക്കുന്നത്. നേതൃമാറ്റമുണ്ടാകുമെന്ന് നേരത്തെ തന്നെ ചെന്നിത്തലയെ അറിയിച്ചിരുന്നെങ്കില് അദ്ദേഹം കാര്യങ്ങളെ കുറച്ചുകൂടി നല്ല മനോഭാവത്തോടെ സ്വീകരിക്കുമായിരുന്നു. എന്നാല്, ചെന്നിത്തലയെ പോലെ സമുന്നതനായ നേതാവിനോട് ഇപ്പോള് ചെയ്തത് ശരിയായില്ലെന്നും ഹൈക്കമാന്ഡിനെ ഇവര് അറിയിച്ചിട്ടുണ്ട്.
പ്രതിപക്ഷ നേതൃസ്ഥാനത്തുനിന്ന് തന്നെ നീക്കിയ നടപടിയോട് ചെന്നിത്തലയ്ക്കും അമര്ഷമുണ്ട്. നേരത്തെ ഒരു സൂചന നല്കാമായിരുന്നു. തന്റെ മനോവികാരം കൂടി ഹൈക്കമാന്ഡ് പരിഗണിക്കേണ്ടതായിരുന്നു. തന്നെ മാറ്റി വേറെ ആരെ നേതൃസ്ഥാനത്തേക്ക് കൊണ്ടുവന്നാലും അംഗീകരിക്കും. എന്നാല്, ഇക്കാര്യം മുന്കൂട്ടി അറിയിക്കാമായിരുന്നു എന്നാണ് ചെന്നിത്തലയുടെ അഭിപ്രായം.
