അനുബന്ധ വാര്ത്തകള്
- ഈദുൽ ഫിത്വർ: ഞായറാഴ്ചത്തെ പൂർണ ലോക്ക്ഡൗണിൽ ഇളവുകൾ അനുവദിച്ച് സർക്കാർ
- ബെവ് ക്യൂ ആപ്പിന് പിന്നില് വന് തട്ടിപ്പ്:മുല്ലപ്പള്ളി
- ആശങ്കയുണർത്തി കൂടുതൽ രോഗികൾ, ഇന്ന് 62 പേർക്ക് കൊവിഡ്, രോഗം സ്ഥിരീകരിച്ചവരിൽ 7 ആരോഗ്യപ്രവർത്തകർ
- പാലക്കാട് ജില്ലയിൽ ഇന്ന് 19 പേർക്ക് കൊവിഡ്
- വിദ്യാര്ഥികള്ക്ക് പരീക്ഷ എഴുതാനുള്ള ഗതാഗത സൗകര്യം ഉള്പ്പെടെയുള്ളവ ഒരുക്കേണ്ടത് അധ്യാപകര്: വിദ്യാഭ്യാസമന്ത്രി
കേരളത്തിലേക്ക് സ്പെഷ്യല് ട്രെയിനുകള് അയക്കുമ്പോള് സംസ്ഥാന സര്ക്കാരിനെ മുന്കൂട്ടി അറിയിക്കണം; റെയില്വേ മന്ത്രി പിയൂഷ് ഗോയലിന് മുഖ്യമന്ത്രിയുടെ കത്ത്
കേരളത്തിലേക്ക് സ്പെഷ്യല് ട്രെയിനുകള് അയക്കുമ്പോള് സംസ്ഥാന സര്ക്കാരിനെ മുന്കൂട്ടി അറിയിക്കണമെന്നും യാത്രക്കാരുടെ ലിസ്റ്റും വിശദവിവരങ്ങളും ലഭ്യമാക്കണമെന്നും റെയില്വേ മന്ത്രി പിയൂഷ് ഗോയലിന് അയച്ച ഇ-മെയില് സന്ദേശത്തില് മുഖ്യമന്ത്രി പിണറായി വിജയന് ആവശ്യപ്പെട്ടു. യാത്രക്കാരുടെ പേരും വിലാസവും ഫോണ്നമ്പരും താമസിക്കാന് പോകുന്ന സ്ഥലവും സംബന്ധിച്ച വിവരങ്ങള് സംസ്ഥാനത്തിന് ലഭിച്ചില്ലെങ്കില് കോവിഡ്-19 വ്യാപനം പ്രതിരോധിക്കാനുള്ള സര്ക്കാരിന്റെ ശ്രമങ്ങള്ക്ക് വലിയ തടസ്സമാകുമെന്നും മുഖ്യമന്ത്രി വ്യക്തമാക്കി.
മുംബൈയില് നിന്ന് മേയ് 22ന് തിരുവനന്തപുരത്തേക്ക് പുറപ്പെട്ട പ്രത്യേക ട്രെയിനിന്റെ കാര്യം സംസ്ഥാന സര്ക്കാരിനെ അറിയിച്ചിരുന്നില്ല. അറിയിപ്പ് ലഭിച്ചെങ്കില് മാത്രമേ യാത്രക്കാരുടെ ആരോഗ്യപരിശോധനക്കും അവരുടെ തുടര്ന്നുള്ള യാത്രക്കും ക്വാറന്റൈന് ഫലപ്രദമാക്കുന്നതിനും സംവിധാനമുണ്ടാക്കാന് കഴിയൂ എന്ന് മുഖ്യമന്ത്രി ചൂണ്ടിക്കാട്ടി.
