കോഴിയെ ജീവനോടെ തൊലിയുരിച്ച് കഷ്ണങ്ങളാക്കിയ സംഭവം: അറവുകാരനെ അറസ്റ്റ് ചെയ്തു
കോഴിക്കോട്: കോഴിയെ ജീവനോടെ തൊലിയുരിച്ച് കഷ്ണങ്ങളാക്കിയ സംഭവത്തില് അറവുകാരന് അറസ്റ്റില്. കൊല്ലങ്കോട് കണ്ണനാകത്ത് പ്രവര്ത്തിക്കുന്ന കടയിലെ അറവുകാരനായ മനുവിനെയാണ് അറസ്റ്റു ചെയ്തത്.
കോഴിയെ ജീവനോടെ തൊലിയുരിക്കുന്ന ദൃശ്യങ്ങൾ കഴിഞ്ഞ ദിവസമാണ് സമൂഹമാധ്യമങ്ങളിൽ വൈറലായത്. ഈ വീഡിയോ പ്രചരിച്ചതോടെയാണ് പോലീസ് കേസെടുത്തത്. ഇറച്ചി വാങ്ങാന് കടയിലെത്തിയ ആളാണ് ഈ ക്രൂര ദൃശ്യങ്ങള് മൊബൈല് ഫോണില് പകര്ത്തിയത്.
സാധാരണയായി തല അറുത്ത് കൊലപ്പെടുത്തിയ ശേഷമാണ് കോഴിയുടെ തൊലിയുരിച്ച് കഷണങ്ങളാക്കുക. എന്നാല് മനു ജീവനുള്ള കോഴിയുടെ തൊലിയുരിച്ച് കാലും ചിറകും അറുത്ത് മാറ്റിയ ശേഷമാണ് കഴുത്ത് അറുത്ത് മാറ്റിയത്.
