അനുബന്ധ വാര്ത്തകള്
- പശ്ചിമേഷ്യൻ സംഘർഷം: കേരളത്തിൽ നിന്ന് ഗൾഫിലേക്കുള്ള വിമാനങ്ങൾ കൂട്ടത്തോടെ റദ്ദാക്കി, പ്രവാസികൾ പ്രതിസന്ധിയിൽ
- വൈദ്യുതി ബില്ലില് ചരിത്രപരമായ ഇളവ്; ഇന്ധന സര്ചാര്ജ് ഉപഭോക്താക്കള്ക്ക് തിരികെ നല്കുന്നു
- ഡിവൈഎഫ്ഐ പ്രതിഷേധത്തെ തുടര്ന്ന് തിരുവനന്തപുരത്ത് 'ദി കേരള സ്റ്റോറി 2' പ്രദര്ശനം റദ്ദാക്കി
- കേരളത്തിലെ സര്ക്കാര് ഡോക്ടര്മാര് സമരം ശക്തമാക്കുന്നു; ഡിഎംഇ ഓഫീസിലേക്ക് മാര്ച്ചിന് ആഹ്വാനം
- ധർമ്മടത്ത് പിണറായി തന്നെ, എം.വി.ഗോവിന്ദനും എ.വിജയരാഘവനും മത്സരിക്കില്ല
വർക്കലയിൽ ജോയ് മത്സരിക്കും; എ.എ.റഹീം തിരുവനന്തപുരം ജില്ലാ സെക്രട്ടറി
ജില്ലാ സെക്രട്ടറിമാർ മത്സരിക്കില്ലെന്നു സംസ്ഥാന സെക്രട്ടറി എം.വി.ഗോവിന്ദൻ മാസ്റ്റർ കഴിഞ്ഞ ദിവസം പറഞ്ഞിരുന്നു
AA Rahim
സിപിഎം തിരുവനന്തപുരം ജില്ലാ സെക്രട്ടറിയായി എ.എ.റഹീമിനെ നിയോഗിച്ചു. നിലവിലെ സെക്രട്ടറിയായ വി.ജോയ് നിയമസഭയിലേക്കു മത്സരിക്കുന്ന സാഹചര്യത്തിലാണ് തീരുമാനം. വർക്കലയിൽ നിന്ന് ജോയ് വീണ്ടും മത്സരിക്കും.
ജില്ലാ സെക്രട്ടറിമാർ മത്സരിക്കില്ലെന്നു സംസ്ഥാന സെക്രട്ടറി എം.വി.ഗോവിന്ദൻ മാസ്റ്റർ കഴിഞ്ഞ ദിവസം പറഞ്ഞിരുന്നു. ജില്ലാ സെക്രട്ടറിമാർ മത്സരിക്കുകയാണെങ്കിൽ താൽക്കാലിക സെക്രട്ടറിമാരെ നിയോഗിക്കാനാണ് പാർട്ടിയുടെ തീരുമാനം.
ജില്ലയിൽ സിപിഎം കഴിഞ്ഞതവണ മത്സരിച്ച 10ൽ 9 സീറ്റിലും സിറ്റിങ് എംഎൽഎമാരുടെ പേരുകൾക്കു കഴിഞ്ഞ ദിവസം ചേർന്ന സംസ്ഥാന സെക്രട്ടേറിയറ്റ് യോഗം അംഗീകാരം നൽകിയിരുന്നു. ജോയി മത്സരിക്കുന്ന കാര്യത്തിൽ മാത്രമാണ് ആശയക്കുഴപ്പം നിലനിന്നത്. സെക്രട്ടറി ചുമതലയിലേക്ക് റഹീം എത്തുന്നതോടെ വി.ജോയ് മത്സരിക്കുമെന്ന കാര്യത്തിലും ഉറപ്പായി.
