സോഷ്യല്‍ മീഡിയകളില്‍ ഇപ്പൊ ഒരു ഭയങ്കരന്‍ കോഴിയെ കുറിച്ചുള്ള വാര്‍ത്തയാണ് വൈറലായിരിക്കുന്നത്. അതും നാടന്‍ കോഴി. കൊളത്തൂര്‍ യുപി സ്‌കൂളിനടുത്ത് താമസിക്കുന്ന കുന്നത്ത് മീത്തല്‍ മനോജിന്റെ കോഴിയാണ് കഥാപാത്രം. ഇന്നലെ രാവിലെ മുതല്‍ ഉച്ചയ്ക്ക് ഒരുമണിവരെ ഈ കോഴി ഇട്ടത് 11മുട്ടകളാണ്. ബുധനാഴ്ച രണ്ടു മുട്ടകളിട്ട് ട്രയല്‍ നടത്തിയിരുന്നു.

സാധാരണ ഒരാഴ്ചയില്‍ ഒരു കോഴി അഞ്ചോ ആറോ മുട്ടകളാണ് ഇടുന്നത്. വ്യത്യസ്തയായ ഈ കോഴി ഇട്ട മുട്ടകളില്‍ പത്തും സാധാരണ വലുപ്പമുള്ളതും ഒന്ന് വലിപ്പം കൂടിയതുമാണ്.