രേണുക വേണു|
Last Modified ചൊവ്വ, 5 ഒക്‌ടോബര്‍ 2021 (08:18 IST)
നീണ്ട ഏഴ് മണിക്കൂറത്തെ സെര്‍വര്‍ തകരാര്‍ മൂലം ഫെയ്‌സ്ബുക്കിന് നേരിട്ടത് കോടികളുടെ നഷ്ടം. ഫെയ്‌സ്ബുക്ക് ഗ്രൂപ്പിന്റെ മൂന്ന് സോഷ്യല്‍ മീഡിയ ആപ്പുകളായ ഫെയ്‌സ്ബുക്ക്, വാട്‌സ്ആപ്, ഇന്‍സ്റ്റഗ്രാം എന്നിവയാണ് സെര്‍വര്‍ തകരാര്‍ മൂലം പണിമുടക്കിയത്. ഇന്ത്യന്‍ സമയം ഇന്നലെ രാത്രി ഒന്‍പതിനാണ് സെര്‍വര്‍ ഡൗണ്‍ ആയത്. ഏകദേശം ഏഴ് മണിക്കൂര്‍ നേരം ഈ പ്രതിസന്ധി നീണ്ടുനിന്നു.
സെര്‍വര്‍ ക്രാഷ് മൂലം ഫെയ്‌സ്ബുക്ക് ഓഹരികള്‍ 5.5% ഇടിഞ്ഞു. 5 ബില്യണ്‍ ഡോളറിന്റെ നഷ്ടം രേഖപ്പെടുത്തി. പുലര്‍ച്ചെ വരെയുള്ള കണക്കു പ്രകാരമാണിത്. യഥാര്‍ഥത്തില്‍ ഫെയ്‌സ്ബുക്കിന്റെ നഷ്ടം ഇതില്‍ കൂടുതലായിരിക്കുമെന്നാണ് റിപ്പോര്‍ട്ടുകള്‍. ലോകവ്യാപകമായി ഫെയ്‌സ്ബുക്ക് സെര്‍വര്‍ തകരാര്‍ അനുഭവപ്പെട്ടു.
