അനുബന്ധ വാര്ത്തകള്
- 'നിങ്ങള്ക്ക് സ്വന്തം രാജ്യത്തോട് സ്നേഹമില്ലേ'; അക്ഷയ് കുമാറിനെതിരെ വിമര്ശനം, കനേഡിയന് പൗരത്വം ഉപേക്ഷിക്കാന് താരം
- Union Budget 2023-24: ബജറ്റ് പ്രഖ്യാപനത്തിലെ നിർണായക പ്രഖ്യാപനങ്ങൾ
- Union Budget 2023-24: ഡിജി ലോക്കർ സേവനങ്ങൾ വ്യാപിപ്പിക്കും, കെ വൈസി നടപടിക്രമങ്ങൾ ലളിതമാക്കും
- ലോകത്തിലെ ഏറ്റവും സ്ട്രോങ് പാസ്പോര്ട്ട് ജപ്പാന്റേത്; ഇന്ത്യയുടേത് എത്രാം സ്ഥാനത്തെന്നറിയാമോ
- പാസ്പോര്ട്ട് അപേക്ഷകളിലെ പരിശോധനാമികവിന് കേരള പോലീസിന് കേന്ദ്ര വിദേശകാര്യമന്ത്രാലയത്തിന്റെ അംഗീകാരം
നിങ്ങളുടെ പ്രധാനപ്പെട്ട രേഖകൾ നഷ്ടപ്പെടുമെന്ന ഭയം വേണ്ട, ഡിജി ലോക്കറിൽ ലോക്ക് ചെയ്യാം
പ്രധാനപ്പെട്ട രേഖകൾ നഷ്ടമാകാതെ സൂക്ഷിക്കുക എന്നത് പലരും നേരിടുന്ന പ്രശ്നമാണ്. പല രേഖകളും കാലപഴക്കം കൊണ്ട് നശിച്ചുപോകാൻ സാധ്യതയുണ്ട്. എന്നാൽ എല്ലാം ഡിജിറ്റലാകുന്ന ഇക്കാലത്ത് രേഖകൾ സൂക്ഷിക്കാൻ പണ്ടത്തേക്കാൾ എളുപ്പമാണ്. രേഖകൾ ഡിജിറ്റലായി സൂക്ഷിക്കുകയാണെങ്കിൽ ആധാർ കാർഡ്, ഡ്രൈവിംഗ് ലൈസൻസ് തുടങ്ങിയ സുപ്രധാനമായ രേഖകൾ നഷ്ടമാകുമെന്ന് നമുക്ക് ഭയക്കുകയും വേണ്ട. ഇതിനായി സർക്കാർ കൊണ്ടുവന്നിട്ടുള്ള സംവിധാനമാണ് ഡിജിലോക്കർ.
ക്ലൗഡ് ബെയ്സ്ഡ് പ്ലാറ്റ്ഫോമിലാണ് ഡിജിലോക്കറിൽ രേഖകൾ സൂക്ഷിക്കുന്നത്. അതിനാൽ തന്നെ സുരക്ഷ ആശങ്ക വേണ്ടതില്ല. ഡിജിലോക്കറിൽ അപ്ലോഡ് ചെയ്തിട്ടുള്ള രേഖകൾ 2000ലെ ഐടി ആക്ട് പ്രകാരം ഒറിജിനൽ സർട്ടിഫിക്കറ്റുകൾക്ക് തുല്യമായതാണ്. ഇതിനായി digilocker.gov.in എന്ന വെബ്സൈറ്റ് സന്ദർശിക്കുക. അല്ലെങ്കിൽ പ്ലേ സ്റ്റോറിൽ നിന്നും ആപ്പ് ഇൻസ്റ്റാൾ ചെയ്യാം. മൊബൈൽ നമ്പർ ഉൾപ്പടെയുള്ള വിവരങ്ങൾ നൽകി ആപ്പിൽ രജിസ്റ്റർ ചെയ്യാം.
ആധാർ നമ്പറുമായി ഡിജിലോക്കർ ബന്ധിപ്പിക്കാൻ ആധാർ ബന്ധിപ്പിക്കൽ ഐക്കണിൽ ക്ലിക്ക് ചെയ്ത് അപ്ലോഡ് ചെയ്യുക. ഡിജിറ്റൽ ആധാർ കാർഡ് നമ്പർ,ആർസി ബുക്ക്,പാൻ കാർഡ്,ഡ്രൈവിംഗ് ലൈസൻസ്,സിബിഎസ്ഇ സർട്ടിഫിക്കറ്റുകൾ,റേഷൻ കാർഡ്,എൽഐസി രേഖകൾ,കൊവിഡ് വാക്സിനേഷൻ സർട്ടിഫിക്കറ്റ് തുടങ്ങിയ രേഖകൾ ഡിജിലോക്കറിൽ സൂക്ഷിക്കാം.
