ഫൈനൽ തോൽവിക്ക് ഗുജറാത്തിന് പകരം വീട്ടാനാകുമോ? ഇന്ന് പോരാട്ടം ചെന്നൈയും ഗുജറാത്തും തമ്മിൽ
GT vs CSK
ബാറ്റിംഗില് ശുഭ്മാന് ഗില്ലും സായ് സുദര്ശനും ഡേവിഡ് മില്ലറുമടങ്ങിയ ഗുജറാത്ത് ടീം ബൗളിങ്ങിലും ശക്തരാണ്. റാഷിദ് ഖാനൊപ്പം പേസ് ബൗളറായി മോഹിത് ശര്മയും മികച്ച പ്രകടനമാണ് ഗുജറാത്തിനായി നടത്തുന്നത്. ഐപിഎല്ലില് അരങ്ങേറ്റം കുറിച്ച സ്പെന്സര് ജോണ്സണും ഗുജറാത്തിന് വലിയ പ്രതീക്ഷ നല്കുന്നുണ്ട്. അതേസമയം യുവതാരമായ റുതുരാജ് ഗെയ്ക്ക്വാദിന്റെ നേതൃത്ത്വത്തിലാണ് ചെന്നൈ ഇന്നിറങ്ങുന്നത്. കഴിഞ്ഞ മത്സരത്തില് മുസ്തഫിസുര് റഹ്മാന് 4 വിക്കറ്റുമായി തിളങ്ങിയെങ്കിലും ബൗളിങ്ങാണ് ചെന്നൈയ്ക്ക് ഇത്തവണ തലവേദനയാകുന്നത്. ബാറ്റിംഗില് റുതുരാജും രചിന് രവീന്ദ്രയും ഡാരില് മിച്ചലുമടങ്ങുന്ന നിര ശരാശരിക്കും മുകളിലാണ്.
