അനുബന്ധ വാര്ത്തകള്
- Chennai Super Kings: നായകനാകേണ്ടി വരുമെന്ന് കഴിഞ്ഞ വര്ഷം തന്നെ മഹി ഭായ് മുന്നറിയിപ്പ് നല്കിയിരുന്നു: ഗെയ്ക്വാദ്
- IPL 2024: "ഐപിഎല്ലിലെ ആദ്യമത്സരം": കോലിയെ കാത്ത് 2 റെക്കോർഡ് നേട്ടങ്ങൾ
- Chennai Super Kings vs Royal Challengers Bengaluru Dream 11 Prediction: ഡ്രീം ഇലവന് ടീമില് ഇവര് വേണം ! പൈസ വാരാം
- Royal Challengers Bengaluru vs Chennai Super Kings: ക്യാപ്റ്റനല്ലാത്ത ധോണിയും കോലിയും നേര്ക്കുനേര്; ഉദ്ഘാടന മത്സരം തീപാറും, സാധ്യത ഇലവന്
- IPL 2024: 'മനിതര് ഉണര്ന്നു കൊള്ള, ഇനി ഐപിഎല് യുഗം'; ഇന്ത്യന് പ്രീമിയര് ലീഗ് 17-ാം സീസണിനു ഇന്നു തുടക്കം
Chennai Super Kings vs Royal Challengers Bengaluru Match Result: മുസ്തഫിസുര് എറിഞ്ഞിട്ടു, ചെപ്പോക്കില് ചെന്നൈക്ക് അനായാസ വിജയം
ടോസ് ലഭിച്ച ബെംഗളൂരു നായകന് ഫാഫ് ഡു പ്ലെസിസ് ബാറ്റിങ് തിരഞ്ഞെടുക്കുകയായിരുന്നു
RCB vs CSK
Chennai Super Kings vs Royal Challengers Bengaluru Match Result: ഐപിഎല് ഉദ്ഘാടന മത്സരത്തില് ആതിഥേയരായ ചെന്നൈ സൂപ്പര് കിങ്സിന് ആറ് വിക്കറ്റ് ജയം. ആദ്യം ബാറ്റ് ചെയ്ത റോയല് ചലഞ്ചേഴ്സ് ബെംഗളൂരു നിശ്ചിത 20 ഓവറില് ആറ് വിക്കറ്റ് നഷ്ടത്തില് 173 റണ്സ് മാത്രം നേടിയപ്പോള് മറുപടി ബാറ്റിങ്ങില് 18.4 ഓവറില് നാല് വിക്കറ്റ് നഷ്ടത്തില് ചെന്നൈ ലക്ഷ്യം കണ്ടു. ചെന്നൈയ്ക്കു വേണ്ടി നാല് ഓവറില് 29 റണ്സ് മാത്രം വഴങ്ങി നാല് വിക്കറ്റ് വീഴ്ത്തിയ മുസ്തഫിസുര് റഹ്മാനാണ് കളിയിലെ താരം.
രചിന് രവീന്ദ്ര (15 പന്തില് 37), ശിവം ദുബെ (28 പന്തില് പുറത്താകാതെ 34), അജിങ്ക്യ രഹാനെ (19 പന്തില് 27), രവീന്ദ്ര ജഡേജ (17 പന്തില് പുറത്താകാതെ 25), ഡാരില് മിച്ചല് (18 പന്തില് 22) എന്നിവരാണ് ചെന്നൈയുടെ ജയം എളുപ്പത്തിലാക്കിയത്. ബെംഗളൂരുവിന്റെ സ്റ്റാര് ബൗളര് മുഹമ്മദ് സിറാജ് വിക്കറ്റൊന്നും നേടിയില്ല. നാല് ഓവറില് 38 റണ്സ് വിട്ടുകൊടുക്കുകയും ചെയ്തു.
ടോസ് ലഭിച്ച ബെംഗളൂരു നായകന് ഫാഫ് ഡു പ്ലെസിസ് ബാറ്റിങ് തിരഞ്ഞെടുക്കുകയായിരുന്നു. തുടക്കത്തില് ബൗണ്ടറികളിലൂടെ ഡു പ്ലെസിസ് ബെംഗളൂരുവിന്റെ സ്കോര് ബോര്ഡ് അതിവേഗം ചലിപ്പിച്ചു. എന്നാല് മുസ്തഫിസുറിന്റെ വരവോടെ ആര്സിബിക്ക് തുടര്ച്ചയായി പ്രഹരങ്ങളേറ്റു. ഡു പ്ലെസിസ്, കോലി, കാമറൂണ് ഗ്രീന്, പട്ടീദാര് എന്നിവരെയെല്ലാം മുസ്തഫിസുറാണ് പുറത്താക്കിയത്. ദീപക് ചഹര് മാക്സ്വെല്ലിനെ പൂജ്യത്തിനു മടക്കി. 25 പന്തില് 48 റണ്സ് നേടിയ അനുജ് റാവത്താണ് ആര്സിബിയുടെ ടോപ് സ്കോറര്. ദിനേശ് കാര്ത്തിക് 26 പന്തില് പുറത്താകാതെ 38 റണ്സ് നേടി.
