നോർത്തേർൺ സ്പെയിനിലെ ഒരു സ്ക്വാഷ് ചാമ്പ്യൻഷിപ്പിൽ വിജയിയായ വനിതാ താരത്തിന് സമ്മാനമായി ട്രോഫിയോടൊപ്പം വൈബ്രേറ്റർ കൂടി നൽകി സംഘാടകർ. സ്പെയിനിലെ സ്ക്വാഷ് ഫെഡറേഷന്റെ അംഗീകാരത്തോടെ നടന്ന മത്സരത്തിലാണ് സംഘാടകരുടെ ഭാഗത്തുനിന്നും ഇത്തരം ഒരു നടപടി ഉണ്ടായത്. മത്സരത്തിൽ രണ്ടാം സ്ഥാനവും മൂന്നാം സ്ഥാനവും ലഭിച്ചവർക്ക്, ഇലക്ട്രോണിക് ഫൂട്ട് ഫയലും ഹെയർ റിമൂവൽ വാക്സുമാണ് അധികൃതർ സമ്മാനമായി നൽകിയത്.

മത്സര വിജയികളായ വനിതകൾ സംഭവത്തിൽ ലോക്കൽ സ്ക്വഷ് ഫെഡറേഷന് പരാതി നൽകിക്കഴിഞ്ഞു. സംഘാടകർ സമ്മാനമായി നൽകിയ വൈബ്രേറ്ററും ഹെയർ റിമൂവൽ വാക്സും പരാതിയോടൊപ്പം ഇവർ ലോക്കൽ സ്ക്വാഷ് ഫെഡറേഷന് അയച്ചുനൽകിയിട്ടുണ്ട്. സ്ത്രീകൾ ഇത്തരത്തിൽ നിരവധ് പ്രശ്നങ്ങൾ അവരുടെ മേഖലകളിൽ നേരിടുന്നുണ്ടെന്നും സമൂഹം മാറേണ്ടിയിരിക്കുന്നു എന്നും ടൂർണമെന്റിൽ വിജയിച്ച എലിസബത്ത് സാഡോ പറഞ്ഞു.

മത്സരം സംഘടിപ്പിച്ച സ്ക്വാഷ് ഒവീഡിയോ എന്ന ക്ലബിനെതിരെ സ്ക്വാഷ് ഫെഡറേഷൻ നടപടിയെടുത്തതായാണ് റിപ്പോർട്ടുകൾ. കയിക രംഗത്ത് സ്ത്രീകൾ നേർടുന്ന ചൂഷണങ്ങളെ കുറിച്ച ആളുകൾ ഇപ്പോൾ കൂടുതൽ ചർച്ച ചെയ്യുന്നുണ്ട്, ഇത്തരം പ്രവണതകൾ തടയാൻ ശക്തമായ നിയമങ്ങൾ കൊണ്ടുവന്നാൽ മാത്രമേ സ്ത്രീകൾക്ക് കായിക മേഖലയിൽ തിളങ്ങാനാകൂ എന്നും എലിസബത്ത് സാഡോ പറഞ്ഞു.