അനുബന്ധ വാര്ത്തകള്
- ഉപതിരഞ്ഞെടുപ്പ് പ്രചാരണത്തിനായി മുഖ്യമന്ത്രി പിണറായി വിജയന് ഇന്ന് പുതുപ്പള്ളിയിലെത്തും
- ഉമ്മന്ചാണ്ടിയെ പ്രകീര്ത്തിച്ചതിന് പിന്നാലെ 11വര്ഷമായി ചെയ്തുകൊണ്ടിരുന്ന ജോലി നഷ്ടപ്പെട്ട സതിയമ്മയെ കാണാന് ചാണ്ടി ഉമ്മന് എത്തി
- പുതുപ്പള്ളിയില് സൂക്ഷ്മ പരിശോധന കഴിഞ്ഞപ്പോള് മത്സരരംഗത്ത് ഏഴുപേര്, മൂന്നുപേരുടെ പത്രിക തള്ളി
- പുതുപ്പള്ളി തിരഞ്ഞെടുപ്പ്: ചാണ്ടി ഉമ്മന്റെ സമ്പാദ്യം 15.98ലക്ഷം, ബാങ്ക് വായ്പ 12.72 ലക്ഷം
- ക്രിമിയ പാലത്തിനെ ലക്ഷ്യമാക്കിയെത്തിയ മൂന്ന് യുക്രൈന് ഡ്രോണുകളെ തകര്ത്തതായി റഷ്യ
പുതുപ്പള്ളി ഉപതിരഞ്ഞെടുപ്പ്: മണ്ഡലത്തിലെ സ്വകാര്യ മേഖലയിലെ ജീവനക്കാര്ക്ക് വേതനത്തോടുകൂടിയ അവധി അനുവദിക്കണമെന്ന് ഉത്തരവ്
പുതുപ്പള്ളി നിയമസഭാ മണ്ഡലത്തിലെ ഉപതെരഞ്ഞെടുപ്പ് ദിനമായ സെപ്റ്റംബര് 5 ന് മണ്ഡലത്തിലെ സ്വകാര്യ മേഖലയില് വിവിധ സ്ഥാപനങ്ങളില് ജോലിചെയ്യുന്ന വോട്ടര്മാര്ക്ക് വോട്ട് ചെയ്യുന്നതിന് വേതനത്തോടുകൂടിയുള്ള അവധി അനുവദിക്കണമെന്നും എന്നാല് അപ്രകാരം അവധി അനുവദിക്കുന്നത് അയാള് ഏര്പ്പെട്ടിരിക്കുന്ന തൊഴിലിന് ആപത്ക്കരമോ സാരവത്തായ നഷ്ടമോ ഇടവരുത്തുമെങ്കില് അയാള്ക്ക് വോട്ട് രേഖപ്പെടുത്തുന്നതിന് പ്രത്യേക അനുമതി നല്കണമെന്നും ലേബര് കമ്മിഷണര് ഉത്തരവായി.
സ്വന്തം ജില്ലയ്ക്ക് പുറത്ത് ജോലി ചെയ്യുന്ന വോട്ടര്മാര്ക്ക് അന്നേ ദിവസം മണ്ഡലത്തിലെ പോളിംഗ് സ്റ്റേഷനില് പോയി വോട്ട് ചെയ്യുന്നതിന് തൊഴിലുടമ വേതനത്തോട് കൂടി പ്രത്യേക അവധി നല്കണമെന്നും ഉത്തരവായിട്ടുണ്ട്. ഐ.ടി, പ്ലാന്റേഷന് തുടങ്ങിയ മേഖലകള് ഉള്പ്പെടെയുള്ള എല്ലാ സ്വകാര്യ സ്ഥാപനങ്ങള്ക്കും ഉത്തരവ് ബാധകമായിരിക്കുമെന്നും കമ്മിഷണര് അറിയിച്ചു .
