അനുബന്ധ വാര്ത്തകള്
- ഒന്നും അറിയാത്ത പ്രായമായിരുന്നു, 20കളിൽ ഗർഭച്ഛിദ്രം നടത്തേണ്ടി വന്നു: പാരിസ് ഹിൽട്ടൺ
- 11 മണി മുതൽ ഉച്ചയ്ക്ക് 3 വരെ വെയിൽ കൊള്ളരുത്, കുട്ടികളെ പ്രത്യേകം ശ്രദ്ധിക്കണമെന്ന് നിർദേശം
- രാവിലെ എണീക്കുമ്പോൾ മുഖത്ത് വെള്ളപാടുകൾ കാണാം, ശരീരം 70 ശതമാനവും വെള്ളയായി: മമത മോഹൻദാസ്
- അതീവ ഹോട്ട് ലുക്കില് ഭൂമി പട്നേക്കര്; ശരീരം കാണിക്കാന് വേണ്ടിയാണോ തുണിയുടുക്കുന്നതെന്ന് ചോദ്യം !
- ശരീരം കാണിക്കാനാണോ വസ്ത്രം ധരിക്കുന്നത്, ഭൂമി പട്നേക്കറുടെ പുതിയ ചിത്രങ്ങൾക്ക് കീഴിൽ സൈബർ അക്രമണം
സൂര്യാഘാതവും സൂര്യതാപവും തടയാൻ ചെയ്യേണ്ടത്
അന്തരീക്ഷതാപം ഒരു പരിധിക്കപ്പുറം ഉയർന്നാൽ മനുഷ്യ ശരീരത്തിലെ താപ നിയന്ത്രണ സംവിധാനങ്ങൾ തകരാറിലാകും.ഇതുമൂലം ശരീരത്തിലുണ്ടാകുന്ന താപം പുറത്തേക്ക് കളയുന്നതിന് തടസ്സം നേരിടുകയും അത് ശരീരത്തിന്റെ പല പ്രവർത്തനങ്ങളേയും തകരാറിലാക്കുകയും ചെയ്യും. ഇത്തരം അവസ്ഥയാണ് സൂര്യാഘാതം.
സൂര്യാഘാതത്തെക്കാൾ കുറച്ചു കൂടി കാഠിന്യം കുറഞ്ഞ അവസ്ഥയാണ് സൂര്യാതപം. ക്ഷീണം, തലകറക്കം, തലവേദന, പേശിവലിവ്, ഓക്കാനവും ഛർദിയും, അസാധാരണമായ വിയർപ്പ്, കഠിനമായ ദാഹം, മൂത്രത്തിന്റെ അളവ് കുറയുകയും മഞ്ഞ നിറത്തിൽ ആവുകയും ചെയ്യുന്നതാണ് സൂര്യതപത്തിന്റെ ലക്ഷണങ്ങൾ. ശരിയായ രീതിയിൽ ഇത് ചികിത്സിച്ചില്ലെങ്കിൽ സൂര്യാഘാതത്തിന്റെ അവസ്ഥയിലേക്ക് മാറുവാനും സാധ്യതയുണ്ട്.
വളരെ ഉയർന്ന ശരീരതാപം, വറ്റി വരണ്ട ചുവന്നു ചൂടായ ശരീരം, ശക്തമായ തലവേദന, തലകറക്കം,ശക്തമായ ശരീരവേദന,ചുവന്നു ചൂടായ ശരീരം,തലക്കറക്കം,മന്ദഗതിയിലുള്ള നാഡിമിടിപ്പ്, മാനസികാവസ്ഥയിലുള്ള മാറ്റങ്ങൾ തുടങ്ങിയവയും ചിലപ്പോൾ അബോധാവസ്ഥയും സൂര്യാഘാതത്തിന്റെ ഭാഗമായുണ്ടാകാം.
സൂര്യാഘാതം ഏറ്റതായി സംശയം തോന്നുകയാണെങ്കിൽ വെയിലുളള സ്ഥലത്ത് നിന്നു തണുത്ത സ്ഥലത്തേക്കു മാറി നിൽക്കുകയാണ് ആദ്യം ചെയ്യേണ്ടത്.ധരിച്ചിരിക്കുന്ന കട്ടികൂടിയ വസ്ത്രങ്ങൾ നീക്കം ചെയ്യുകയും തണുത്ത വെള്ളം കൊണ്ട് ശരീരം തുടയ്ക്കുകയും ചെയ്യണം. ഉടൻ തന്നെ ഡോക്ടറുടെ സേവനം തേടണം.
