അനുബന്ധ വാര്ത്തകള്
- ഈമാസത്തെ ഏറ്റവും ഉയര്ന്ന നിരക്കില് സ്വര്ണവില
- ആശ്വാസം: രാജ്യത്ത് തുടര്ച്ചയായി പ്രതിദിന കൊവിഡ് കേസുകള് കുറയുന്നു
- സംസ്ഥാനത്ത് ഇതുവരെ സമ്പൂര്ണ വാക്സിന് സ്വീകരിച്ചത് 83 ശതമാനം പേര്; കുട്ടികളുടെ വാക്സിനേഷന് 66ശതമാനം
- റെയില്വേ ഓവുപാലം നിര്മിക്കുന്നതിനിടെ മണ്ണിടിഞ്ഞ് വീണ് സൈറ്റ് എഞ്ചിനീയര് മരിച്ചു
- അവസാന ഓവറില് മൂന്ന് സിക്സും രണ്ട് ഫോറും; തകര്ത്തടിച്ചിട്ടും വെസ്റ്റ് ഇന്ഡീസ് തോറ്റു, വെറും ഒരു റണ്ണിന് !
ഹൃദയാരോഗ്യം വര്ദ്ധിപ്പിക്കാന് ദിവസവും ഒരു പേരയ്ക്ക
ഹൃദയാരോഗ്യം വര്ദ്ധിപ്പിക്കാന് ദിവസവും ഒരു പേരയ്ക്ക വീതം കഴിച്ചാല് മതി. ഇതില് ധാരാളമായി അടങ്ങിയിരിക്കുന്ന വൈറ്റമിന് സി, പൊട്ടാസ്യം എന്നിവ രക്തസമ്മര്ദം കുറയ്ക്കുകയും രക്തത്തില് കൊഴുപ്പടിഞ്ഞു കൂടുന്നത് തടയുകയും ചെയ്യും. നേരിയ ചുവപ്പു കലര്ന്ന പേരയ്ക്ക പതിവായി കഴിക്കുന്നത് ഹൃദയാരോഗ്യം മെച്ചപ്പെടുത്തും.
പേരയ്ക്കയില് ധാരാളം അടങ്ങിയിരിക്കുന്ന വൈറ്റമിന് സി ശരീരത്തിന്റെ രോഗപ്രതിരോധശേഷി വര്ദ്ധിപ്പിക്കും. സാധാരണ രോഗങ്ങളായ പനി, ചുമ, ജലദോഷം എന്നിവയില് നിന്നു രക്ഷനേടാന് ദിവസവും ഒരു പേരയ്ക്ക വീതം കഴിച്ചാല് മതി. സാലഡായോ, ജ്യൂസായോ എങ്ങനെ വേണമെങ്കിലും പേരയ്ക്ക കഴിച്ച് രോഗങ്ങളില് നിന്നു രക്ഷനേടാം. പുരുഷന്മാരിലെ പ്രോസ്റ്റേറ്റ് കാന്സര്, സ്തനാര്ബുദം, സ്കിന് കാന്സര്, വായിലുണ്ടാകുന്ന കാന്സറുകള് എന്നിവ തടയാന് പേരയ്ക്ക കഴിക്കാം.
കാഴ്ച ശക്തി നിലനിര്ത്താന് അത്യന്താപേക്ഷിതമായ പോഷകമാണ് വൈറ്റമിന് എ. ഇതിനായി നിരവധി മരുന്നുകള് വിപണിയില് ലഭ്യമാണ് താനും. എന്നാല് കണ്ണ് പോകാതിരിക്കാന് കണ്ണുമടച്ച് വിശ്വസിച്ച് കഴിക്കാവുന്ന ഫലമാണ് പേരക്ക.
