അനുബന്ധ വാര്ത്തകള്
- രാത്രിയില് ആഹാരം കഴിക്കുമ്പോള് ഇക്കാര്യങ്ങള് ശ്രദ്ധിക്കണം
- ഈ ലക്ഷണങ്ങള് ഉണ്ടെങ്കില് ഉടന് നിങ്ങള് ഭക്ഷണകാര്യങ്ങളില് മാറ്റം വരുത്തണം
- ഓക്കാനം, നെഞ്ചിരിച്ചില്, വയര്വേദന എന്നിവ ഉണ്ടാകാറുണ്ടോ, ആഹാരം കഴിക്കുമ്പോള് ഇത് ശ്രദ്ധിക്കണം
- ഈ നാലുഭക്ഷണങ്ങള് ഡയറ്റില് ഉള്പ്പെടുത്തിയാല് അള്സര് വരില്ല
- കൂടുതല് ചവച്ചരച്ച് കഴിക്കേണ്ടത് ഈ ഭക്ഷണങ്ങള്
പ്രത്യേകിച്ചും ഈ ഭക്ഷണങ്ങള് കൂടുതല് ചൂടാക്കരുത്, ഒരു ഗുണവും കാണില്ല!
പോഷകാഹാരങ്ങള് വാങ്ങുന്നതിലല്ല അവ പാചകം ചെയ്യുന്ന രീതിയും ആരോഗ്യകരമായിരിക്കണം എന്നാല് മാത്രമേ ഗുണം ഉണ്ടാകു. രുചി കൂട്ടാന് പലരും ഭക്ഷണങ്ങള് കൂടുതല് പൊരിച്ചും മസാലകള് ചേര്ത്തും തയ്യാറാക്കാറുണ്ട്. ഇതു കൊണ്ട് നമ്മള് ഭക്ഷണം കഴിക്കുന്നതിന്റെ ഉദ്ദേശം തന്നെ തെറ്റുകയാണ് ചെയ്യുന്നത്. ചില ഭക്ഷണങ്ങള് കൂടുതല് ചൂടാക്കുമ്പോള് അവയിലെ വിറ്റാമിനുകളും മിനറലുകളും വിഘടിക്കും. വിറ്റാമിന് സി, ബി1, ബി5, ബി7 എന്നിവ നഷ്ടപ്പെടും. ഇതില് ശ്രദ്ധിക്കേണ്ട പ്രധാന ഭക്ഷണം ഇലക്കറികളാണ്. ഇവ അധികം പാകം ചെയ്യരുത്.
തക്കാളിയും ഇത്തരത്തില് ചൂടാക്കാന് പാടില്ല. ഇതില് ആന്റിഓക്സിഡന്റായ ലികോപെന് അടങ്ങിയിട്ടുണ്ട്. ഇതിന് നിരവധി ആരോഗ്യ ഗുണങ്ങള് ഉണ്ട്. കൂടുതല് ചൂടാക്കുന്നതിലൂടെ ഇത് നഷ്ടപ്പെടും. നട്സും സീഡുകളും നല്ല കൊഴുപ്പിന്റേയും പ്രോട്ടീന്റെയും കലവറയാണ്. ഇവ കൂടുതല് ഫ്രൈ ചെയ്യുമ്പോള് ഇവയുടെ ഗുണങ്ങള് കുറയാന് സാധ്യതയുണ്ട്. ഫൈബറും മിനറല്സും അടങ്ങിയ മുഴു ധാന്യങ്ങളും ഇത്തരത്തില് ചൂടാക്കാന് പാടില്ല. മറ്റൊന്ന് മീനാണ്. ഹൃദയാരോഗ്യത്തിന് അനിവാര്യമായ ഒമേഗ ഫാറ്റി ആസിഡുകള് ഇവയില് അടങ്ങിയിട്ടുണ്ട്. കൂടുതല് ഫ്രൈ ചെയ്യുമ്പോള് ഇത് നഷ്ടപ്പെടും. മുട്ടയുടെ കാര്യത്തിലും ഇത് ബാധകമാണ്. അതുപോലെ ഉരുളക്കിഴങ്ങും ബെറീസും അമിതമായി ചൂടാക്കരുത്.
