അനുബന്ധ വാര്ത്തകള്
- വീരോചിതം, ജപ്പാൻ്റെ 3 പെനാൽട്ടി ഷോട്ടുകൾ തടുത്തിട്ട് ലിവാകോവിച്ച്
- പരുക്കേറ്റ രാത്രി ഒരുപാട് കരഞ്ഞു, ഇപ്പോൾ ലോകകപ്പ് എന്ന സ്വപ്നം മാത്രമെ മുന്നിലുള്ളു: നെയ്മർ
- സ്ക്വാഡിലെ 26 പേരും കളത്തിലിറങ്ങി കഴിഞ്ഞു, ബ്രസീലിന് എ ടീം ബി ടീം എന്നൊന്നില്ല, ഒരൊറ്റ ടീം മാത്രം
- പെലെയ്ക്കും റൊണാൾഡോയ്ക്കും ശേഷം നാഴികകല്ല് പിന്നിട്ട് നെയ്മർ
- സ്റ്റാർട്ടിങ് ഇലവനിൽ ക്രിസ്റ്റ്യാനോ വേണമോ എന്ന് പോർച്ചുഗൽ പത്രത്തിൽ സർവെ, വേണ്ടെന്ന് ഭൂരിഭാഗം ആരാധകർ
ഖത്തറിലെത്തുമ്പോൾ വെറും 20,000 ഇൻസ്റ്റ ഫോളോവേഴ്സ്, ലോകകപ്പൊടെ ദക്ഷിണകൊറിയൻ താരത്തെ വിവാഹം ചെയ്യാൻ സുന്ദരിമാരുടെ നിര
മികച്ച പ്രകടനങ്ങൾ കൊണ്ട് മാത്രമല്ല പലപ്പോഴും സൗന്ദര്യം കൊണ്ടും കായികതാരങ്ങൾക്ക് ആരാധകർ ഉണ്ടാകാറുണ്ട്. സൗന്ദര്യത്തിനൊപ്പം കളിമികവും ഒത്തുചേർന്ന ഡേവിഡ് ബെക്കാം, കക്ക, മിറോസ്ലോവ് ക്ലോസെ തുടങ്ങിയ താരങ്ങൾക്ക് വലിയ രീതിയിൽ സ്ത്രീ ആരാധകരുണ്ടായിരുന്നു. ഇത്തരത്തിൽ സ്ത്രീകളുടെ ഹൃദയത്തിൽ ചേക്കേറിയിരിക്കുകയാണ് ദക്ഷിണക്കൊറിയയുടെ 24കാരൻ സ്ട്രൈക്കർ ചോ ഗ്യൂ സങ്.
ഖത്തർ ലോകകപ്പിനെത്തുമ്പോൾ വെറും 20,000 ഇൻസ്റ്റാ ഫോളോവേഴ്സുണ്ടായിരുന്ന താരത്തെ ഇപ്പോൾ ഫോളോ ചെയ്യുന്നത് 18 ലക്ഷം പേരാണ്. ഇതിൽ ഏറിയ പങ്കും പെൺകുട്ടികളെന്ന് പ്രത്യേകം പറയേണ്ടതില്ലല്ലോ. താരത്തെ വിവാഹം കഴിക്കാൻ ആഗ്രഹമുണ്ടെന്ന് പറഞ്ഞ് ആയിരക്കണക്കിന് സന്ദേശങ്ങളാണ് ദിവസം ലഭിക്കുന്നത്. ഇതോടെ ഫോൺ ഓഫ് ചെയ്ത് വെയ്ക്കേണ്ട ഗതികേടിലായി താരം. ഘാനയെക്കെതിരായ മത്സരത്തിൽ 2 ഗോളുകൾ കൂടി നേടാനായതോടെയാണ് ഇൻസ്റ്റാ അക്കൗണ്ടിലേക്ക് ആരാധകരുടെ പ്രവാഹമുണ്ടായത്.
