പൃഥ്വിരാജ്-ഷാജി കൈലാസ് ചിത്രം 'കടുവ' ഷൂട്ടിങ് ആരംഭിക്കുന്നു. ഈ മാസ് എന്റര്‍ടെയ്നറിന്റെ ഓരോ വിശേഷങ്ങള്‍ക്കായും കാതോര്‍ക്കുകയാണ് ആരാധകര്‍.ജിനു അബ്രഹാമിന്റെയാണ് തിരക്കഥ. കോളിവുഡ് സംഗീത സംവിധായകന്‍ എസ് തമനുമൊത്ത് ടീം ഇപ്പോള്‍ ഹൈദരാബാദിലാണ്. ഇതുമായി ബന്ധപ്പെട്ട ഒരു അപ്‌ഡേറ്റ് സംവിധായകന്‍ ഷാജി കൈലാസ് നല്‍കി.

ഒരു യഥാര്‍ത്ഥ കഥയില്‍ നിന്ന് പ്രചോദനം ഉള്‍ക്കൊണ്ട് ചിത്രമാണ് കടുവ. 90 കളിലെ ഒരു പീരിയഡ് ഫിലിം ആണെന്നും റിപ്പോര്‍ട്ടുണ്ട്. അതേസമയം, രവി കെ ചന്ദ്രന്റെ ഭ്രമത്തിന്റെ ചിത്രീകരണത്തിലാണ് പൃഥ്വിരാജ്. ഉണ്ണി മുകുന്ദന്‍, രാഷി ഖന്ന, മംമ്ത മോഹന്‍ദാസ് എന്നിവരും ഈ ചിത്രത്തിന്റെ ഭാഗമാണ്. മുരളി ഗോപി തിരക്കഥയെഴുതി രതീഷ് അമ്പാട്ട് സംവിധാനം ചെയ്യുന്ന 'തീര്‍പ്പ്' എന്ന സിനിമയുടെ ലൊക്കേഷനിലേക്ക് പൃഥ്വിരാജ് അടുത്തതായി പോകും.ഇന്ദ്രജിത്ത്, വിജയ് ബാബു, സൈജു കുറുപ്പ്, ഇഷാ തല്‍വാര്‍ എന്നിവരാണ് മറ്റു പ്രധാന വേഷങ്ങളില്‍ എത്തുന്നത്.