അനുബന്ധ വാര്ത്തകള്
- മോഹന്ലാല് പിറന്നാള് ആശംസകളുമായി എത്തിയ ഷാജി കൈലാസിന് എത്ര പ്രായമുണ്ട് ?
- ആറാട്ടിലെ എ ആര് റഹ്മാന്റെ ഡയലോഗ് ഇതാണ്, സംവിധായകന് ബി ഉണ്ണികൃഷ്ണന് പറയുന്നു
- പോലീസ് യൂണിഫോമില് മമ്മൂട്ടി, യഥാര്ത്ഥ സംഭവ കഥ, ആറാട്ടിനുശേഷം മമ്മൂട്ടിക്കൊപ്പം ബി ഉണ്ണികൃഷ്ണന്
- ശ്രീനിവാസന് അത് ചെയ്തത് എന്നെ അപമാനിക്കാനാണെന്ന് വിചാരിക്കുന്നില്ല; അന്ന് മോഹന്ലാല് പറഞ്ഞു
- മമ്മൂട്ടിയുടെ 'ഭീഷ്മ പര്വ്വം' എത്തുംമുമ്പ് മോഹന്ലാലിന്റെ 'ആറാട്ട്' , റിലീസ് തിയ്യതി പ്രഖ്യാപിച്ചു
സംഗീത് ശിവന് മാജിക്ക് 'യോദ്ധ' തിയറ്ററില് പരാജയമായിരുന്നോ? ഒപ്പം റിലീസ് ചെയ്ത മമ്മൂട്ടി ചിത്രത്തിനു സംഭവിച്ചതെന്ത്?
മമ്മൂട്ടി-മോഹന്ലാല് സിനിമകളുടെ വാശിയേറിയ പോരാട്ടമാണ് മലയാളികള് 1992 ലെ ഓണക്കാലത്ത് കണ്ടത്. മോഹന്ലാല് ചിത്രം യോദ്ധയും മമ്മൂട്ടി ചിത്രം പപ്പയുടെ സ്വന്തം അപ്പൂസും തമ്മിലായിരുന്നു ബോക്സ്ഓഫീസ് പോരാട്ടം. ഇതില് ഏത് സിനിമയായിരിക്കും അക്കാലത്ത് സൂപ്പര്ഹിറ്റായത്? മമ്മൂട്ടിയാണോ മോഹന്ലാലാണോ ഓണക്കാലത്ത് വിജയിച്ചത്? ഉത്തരം ഇതാ
1992 സെപ്റ്റംബര് മൂന്നിനാണ് സംഗീത് ശിവന് സംവിധാനം ചെയ്ത യോദ്ധ തിയറ്ററുകളിലെത്തിയത്. ഒരു ദിവസത്തിനു ശേഷം സെപ്റ്റംബര് നാലിന് ഫാസില് സംവിധാനം ചെയ്ത മമ്മൂട്ടി ചിത്രം പപ്പയുടെ സ്വന്തം അപ്പൂസ് തിയറ്ററുകളിലെത്തി. ഇതില് ബോക്സ്ഓഫീസില് ഏറ്റവും വലിയ വിജയമായത് മമ്മൂട്ടി ചിത്രമാണ്. മോഹന്ലാല് ചിത്രം ശരാശരിക്ക് മുകളില് നില്ക്കുന്ന വിജയമായിരുന്നു. പപ്പയുടെ സ്വന്തം അപ്പൂസിനേക്കാള് ചെലവ് കൂടിയ ചിത്രം കൂടിയായിരുന്നു യോദ്ധ.
അക്കാലത്തെ സിനിമ വാരികകളില് നിന്ന് ലഭിക്കുന്ന റിപ്പോര്ട്ട് അനുസരിച്ച് 200 ല് കൂടുതല് ദിവസങ്ങള് പപ്പയുടെ സ്വന്തം അപ്പൂസ് തിയറ്ററുകളില് പ്രദര്ശിപ്പിച്ചു. യോദ്ധ നൂറിലേറെ ദിവസം പ്രദര്ശിപ്പിച്ചതായാണ് റിപ്പോര്ട്ട്. മമ്മൂട്ടി-ഫാസില് കൂട്ടുകെട്ടിന് അക്കാലത്ത് കുടുംബപ്രേക്ഷകര്ക്കിടയില് വലിയ സ്വീകാര്യതയുണ്ടായിരുന്നു. കുടുംബപ്രേക്ഷകര്ക്കിടയില് മമ്മൂട്ടിയുടെ താരമൂല്യവും ഉയര്ന്നു നില്ക്കുന്ന കാലഘട്ടമായിരുന്നു. പപ്പയുടെ സ്വന്തം അപ്പൂസ് വമ്പന് വിജയമാകാന് കാരണമായ ഘടകങ്ങള് ഇതെല്ലാമാണ്. എന്നാല്, തിയറ്ററുകളില് വമ്പന് ഹിറ്റ് ആയില്ലെങ്കിലും പില്ക്കാലത്ത് പപ്പയുടെ സ്വന്തം അപ്പൂസിനേക്കാള് പ്രേക്ഷകര്ക്കിടയില് ചര്ച്ചയായ സിനിമ യോദ്ധയാണ്.
