പൃഥ്വിരാജ് അടുത്തില്ലാത്ത രണ്ടാമത്തെ വിവാഹ വാര്ഷികം, ആഘോഷങ്ങള് നടന് തിരിച്ചെത്തിയ ശേഷം, കാത്തിരിപ്പില് സുപ്രിയ, വീഡിയോ
ആടുജീവിതം ഷൂട്ടിംഗ് കാരണം ഇത് രണ്ടാം തവണയാണ് വിവാഹവാര്ഷികം ഒന്നിച്ച് പൃഥ്വിരാജിനും സുപ്രിയ മേനോന് ആഘോഷിക്കാന് പറ്റാതെ പോയത്. ചിത്രീകരണം ഉടന് അവസാനിക്കുമെന്നും ശേഷം ഒന്നിച്ച് വെഡിങ് ആനിവേഴ്സറി ആഘോഷിക്കാമെന്നും സുപ്രിയ പറയുന്നു. ഇന്ന് രണ്ടാളുടെയും പതിനൊന്നാം വിവാഹ വാര്ഷികമാണ്.
പൃഥ്വിരാജ് ഷൂട്ടിംഗ് പൂര്ത്തിയാക്കി തിരിച്ചെത്തുന്നതിനുള്ള കൗണ്ട് ഡൗണ് തുടങ്ങിയെന്നും സുപ്രിയ കുറിക്കുന്നു.
'11-ാം വാര്ഷിക ആശംസകള് പി! നിങ്ങള് വീണ്ടും ആടുജീവിതത്തിന്റെ ഷൂട്ടിംഗിന് പോയിക്കഴിഞ്ഞു, 11 വര്ഷത്തിനിടെ ഇത് രണ്ടാം തവണയാണ് ഈ പ്രത്യേക ദിനത്തില് നമ്മള് വേര്പിരിയുന്നത്! ആടുജീവിതം ഉടന് അവസാനിക്കുമെന്ന് പ്രതീക്ഷിക്കുന്നു, നമുക്ക് ആഘോഷിക്കാം! ഉടനെ തിരിച്ചു വരൂ'- സുപ്രിയ മേനോന് കുറിച്ചു.
ജനഗണമന റിലീസിനായി കാത്തിരിക്കുകയാണ് പൃഥ്വിരാജ്.
